中國會計定考會計師牌好??

梗係考會計師牌好啦.

如果你想響國內發展,攞住個外面(英國或者香港)既會計師牌,響香港搵一間響國內做生意,總部設響香港既公司做,然後同公司商量將你派駐到國內,大把有中國會計資格證既人跟你啦.

你知唔知,而家響國內做生意既外資公司,仲有好多唔放心將盤數放響國內做,而要留響香港做(無他既,國內工作人員流動性大,商業機密容易外洩,員工容易因一時貪念而洩密,然後走人),就算公司響國內有盤數,都只係政府帳,俾國內既工商/稅局/海關睇既帳,真既o個盤根本就唔會響國內(識得中國會計,有資格證既,只係有資格做/核o個盤政府帳).

你知唔知讀中國會計後,如果要考中國會計既資格證有幾多層級?首先係上崗證,然後係會計員,助理會計師,會計師,核數師,然後仲有一個好似叫"證劵師"既,而且每一個證,都要讀好多門課(我指助理會計師以上既),每一,兩門課要讀好幾個月,又要規定響幾年內考晒,否則重頭黎過.更重要既係,響國內,你係同十幾億人口競爭,國內實在有好多人好叻(至少讀書考試好叻),而且好用心,力爭上游.....你如果選擇行呢條路要到達同一個位置,遠比你響香港考會計師牌難好多,耐好多.