輕盈貨車轉波問題

由於樓主未有提供車輛牌子型号、一般貨VAN波位正確位置是H形、左上是1波用手向左推後再向上推、而2波是向左推再向下推（不要斜推）、而2轉3程序是先推OFF波離手順向上推因為無需向左或右推、而３轉4一樣無需向左右推而5波則向右推再往上推（不要斜推）那就很輕易轉波、另外如果極力子調得太低或踏得不夠深都比較難轉波、至於R波各種牌子的波位都可能唔同請睇波棍頭、總之不要心急一個動作做完再做下一個不要連貫做、輕描淡寫不要緊張，問題很易解决。

由2波轉3波方法，針對性答案是：
先將波棍從２波位置撥回中央位置先，然後用掌心輕托波掍向上推（由於３波在１２點位置，如果你手肘可以與波掍成１直線而推上去，咁樣入３波會更準．）

ｐｓ：我的方法來自學大巴的時候，當時學轉波要踏兩次離合器才能轉一次波段，所以習慣了波掍先回中央位置，再去踏離合器及轉波．咁先可應付巴士轉波（因巴士波與波之間比ｖａｎ仔闊）

小弟楂hiace 2年幾,都有D研究架
首先講下廢話,van仔和貨車波棍係經過幾個連(乾)先到波箱,比私家車遠程,因為波箱在偈後面,所以不要當佢跑車咁轉波,辟瀝啪啦
其實楂(波的)入波時,好多人都唔識最正確手(細),就係平放,手心放在波的上面,手指像八爪魚般抓住波的,就自然入得準確,唔信你試下~
順帶一提,棍狀(波的)會入壞手細,用圓形最好,冇棍波車出廠用棍狀~

這同入波手勢有關，通常我們入1、2波時會用反手(即母指向下)，將波棍向外推，自然不會入錯。其他如3、4、5及後波，則使用正手(即母指向上)。
2波轉3波，只管用正手由後向前推就可，但不要推太快，如感到到了空波才推上3波，或在空波停一停才推上3波。反之，由3波轉2波，則要用反手推入2檔。
如入5波及後波，只要在空波位置明顯地拉近身再推過有關波檔便可。