我係男仔黎嫁~女仔入黎答下我既問題~男仔就入黎睇

其實你咁樣引佢注意, 點解唔索性親口對佢表白呢?

第一：你攪笑唔代表會令佢鍾意你, 而且搞笑對於女仔選擇男友黎講真係好其次ge事, 你咁樣諗未免太膚淺啦~你又唔清楚佢鍾意咩類型男仔, 你咁樣「表演」落去, 你覺得會有咩結果先?

第二：搞笑同安全感係兩回事，一個男仔絕對可以又搞笑又有安全感，但係我覺得你宜家ge問題唔係冇安全感, 而係容易令佢覺得你幼稚, 俾唔到「成熟」ge感覺佢。

你要討好佢, 做足睇下面ge排名表啦。

1) 細心貼心 ( e.g. 佢食完野, 唔好理佢女仔有冇帶紙巾, 即刻遞張紙巾俾佢)
2) 外表儀容整潔 ( 唔好俾佢覺得你污糟核突)
3) 有風度 (大人不記小人過, 由其唔好係佢面前怒記人地過)
4) 有愛心 ( 你自己諗辦法點樣令佢覺得你好有愛心la~我教你一個方法, 就係做義工~順便叫埋佢一齊做~增進下感情~一舉兩得)
5) 要溫文 (千其唔好係佢面前發脾氣、鬧人、狂講粗口)
6) 多d同佢傾計, 問下佢平時有咩唔開心ge野就同你講, 同佢講你好樂意聽佢講任何野, 叫佢唔好將d唔開心ge野收埋收埋, 至於happy野更加要同你講, 講完可以一齊笑。<--- 咁樣真係仲好過你係咁講d無聊笑話佢就係咁聽, 而且仲可以令你更加了解佢。
7) 平時有意無意 (唔好經常, 但要間中進行) 送d佢鍾意ge野俾佢(哩樣就要靠你同佢傾計果陣收到幾多關於佢ge風啦~), 滿不在乎咁同佢講話「行街係邊度邊度見到, 記得好似你話鍾意, 所以買左落黎, 費時下次你要果陣又周圍搵嘛, 你唔係真係鍾意ge咪擺埋一邊, 我又冇咩所謂ge」 =v= v

搞笑唔係唔好, 但係你都要有認真ge時候. 我係比較斯文果ｄ女仔，我都好鍾意d男仔搞笑, 令到d氣氛冇咁悶, 不過我都係笑完就算........同埋你搞笑ge時候真係要好笑, 如果唔係d人就會覺得你好扮野. 但要認真ge時候,你就唔好玩玩下la. 咁樣就真係好討厭; 佢會覺得你好唔誠熟. 至於幾時要認真幾時搞笑咁就真係好難衡量.要睇下當時ge氣氛同環境.

你以為你成日都95答8
就可以引起佢既注意??
無錯~~剛剛開始時係得係會成功
但日子耐左,,你身邊d人(包括個女仔)
一定會覺得你無聊
一定會開始討厭你

其實女仔一般會鐘意男仔成熟認真
因為覺得可以依靠
你唔認真又95答8
叫個女仔點可能鐘意你依靠你呢??

至於吳宗憲,,人地做節目,,,職業所需ji

你改改你嘻皮笑臉既態度
再同個女仔深入傾下計
等佢知道你都有認真既一面

希望幫到你喇~~

如果經常嬉皮笑臉, 口多多, 又九吾答八, 可能會令人反感,
所以建議適當時候要表達適當的反應,
男子都需要有正經的一面, 否則異性都會同你保持距離 !!

搞笑係學唔到o既!!
你會見到好多人講o野好搞笑好得意，
好多人鍾意同佢玩，
因為呢個係平常o既佢，
相反呢類人追女仔o既時候都會好正經!!!

搞笑無疑係可以引到人注意，
但真真正正吸引人都係你o既真心，
即係包裝幾咁好，
裡面係條草都無人鍾意。
更可況你個包裝係偽做???
除非你個人本身就係好搞笑啦!!!
(如果你真係咁搞笑就唔會有呢個煩惱)

所以做番平時o既你，
再細心留意、觀察、關懷你心儀對象，
用好多時間同佢講o野，
積少成多，慢慢你就會了解佢或佢了解你。