我真係唔知點算,大家幫下手啦~

我自己都係養唐狗, 講唔上知識, 但即管分享一下。但坦白, 只作分享, 我都好錫狗, 以下有些方法只係非常時候用非常手段。另外一句, 引自教狗大師戴更基--「世界係冇蠢狗, 只有蠢主人, 主人點教狗, 狗就會點樣」

我隻狗細個都好惡, 但而家已經聽話左唔少, 但仍努力中。

講真你同佢打係冇用, 你打佢佢又吠你, 你一定唔比佢惡過你, 你打得佢仲勁, 唔通要打死佢咩。但唔係叫你唔打, 只係有其他方法更有效。
首先, 請記緊, 對狗而言, 最重要係性, 其次係食, 之後就係玩具、朋友等等。7~8個月應該未識性, 因此你就要從食野埋手。

你要比佢知道, 係你餵佢食野, 你唔餵佢係冇得食。因此, 你每次餵佢, 你拎住個糧兜唔好即刻放低, 你要比佢知你拎住, 佢一定將一切注意力放係你身上。但你都唔好比佢住, 如果佢真係撲上黎想咬你, 你就要用好肯定既聲音鬧佢!!!!並就即刻收返埋d糧, 唔比佢食住。佢係一定不滿, 你可以完全唔理會佢, 等佢平靜返再試, 不斷做。佢總會明白, 原來佢咁做, 佢會冇飯開。
其次你可以試下每日只餵一次, 當然份量要自己加或減,但一定要每日都係一個時間餵,極度建議係帶完佢跑步返屋企後餵, 因為咁樣佢會出街既時候係最肚餓既(冇食野超過20小時), 變相出到街都會聽話一d, 其次就係為佢健康著想, 狗同人一樣, 食飽係唔可以即時做運動。就佷 但係當你餵佢, 佢唔食, 過左時間就冇得食, 而當佢當天表現十分過份, 佢今天就沒飯開了!!佢肚餓, 想惡都惡唔出樣。餵食時間可以正負半個鐘。

亂咬人方面, 你一定要買口罩, 當佢一咬人, 你就鬧, 之後戴口罩先打!!但唔好打得咁過份, 記住打只係表現你不滿。另外你可以係佢戴口罩後, 用手包住用力"禁"佢個口後用力"禁", 你另一隻手要扶住佢後腦, 狗狗係好唔喜歡, 佢會反抗得好緊要, 但你放心, 佢點都咬你唔到, 千萬唔好比佢既反抗嚇到!!。當適當時候比佢冷靜後, 先除返口罩。另外戴唔慣口碑既狗佢係戴左口罩之後會表現得好辛苦, 你同情佢唔緊要, 但係佢係唔識同情你, 忍心少少, 等佢冷靜返先除。
另外都想了解一下, 佢咬人係吠完先咬, 定係完全冇先兆下咬, 如果係後者就大件事一d, 因為前者佢係表明不滿後咬人, 對狗既世界黎講係天理, 但後者的話, 表示你隻狗心態其實有d問題, 佢對人類係極度不信任。
仲有, 打, 要打正確地方, 你只可以打佢大脾位, 你係一定唔可以打佢個鼻!!真係會反面呀!比著你比人打個鼻, 睇下你會唔會反抗得仲勁!!

小便方便, 你一定要搵一個固定的地方比佢方便, 實在老生常談, 佢係正確地方去既就要讚, 你可以比一d 小食佢, 不正確既就要鬧囉。其次佢見到屋企人返黎佢失禁係佢表現好興奮, 你可以叫你屋企人, 返屋企之後, 隻狗走過黎既時候, 完全唔好理會隻狗, 係完全!!!咁可能會有所改善, 不然的話.....抱歉, 我技窮了。

最後, 反而先係重點, 教狗有好多方法, 上面全部都係負面的方法, 打打鬧鬧係為左阻止狗狗的不良行為, 但非改善。作為主人, 你希望認真對待條小生命既, 就要附出愛心, 當佢一做正確的事, 你一定要即時讚, 比小食佢食!! 每天花時間去摸佢, 你既關心, 佢會知道的!!

另外有一件事, 一定要話你知!!就係狗係一定需要運動, 每日最少係一定要有一次出街跑步既時間!!!喱個係養狗的基本條件, 唔好比藉口, 你係有義務要咁做, 其實好多時狗隻性格暴躁都係因為佢運動不足, 我肯定話你知, 如果你每日都帶佢出黎跑步, 兩星期後佢既問題一定會有改善。而出街亦可以認識其他狗主, 互相交流, 我的知識不少都係請教於人。

多謝你花左咁多時間睇我既回答, 坦白講, 自己都係養狗, 都係養唐, 實在唔希望又有唐狗因為唔識教而被放棄, 我每次同我隻狗出街, 見到一d 流浪狗, 我都會同我隻自己隻狗講(雖然佢未必聽得明), 你係一隻幸運既狗仔!!!因此請不要放棄, 因為已經你隻狗已經錯左好耐, 實在好難一時三刻改變, 但仍請持之而行, 是終會有成果的!!!
其實仲有唔少可以分享, 我留我個電郵[email protected]比你, 如果你有問題或近況(我比較關心會否有所改善), 你可以電郵比我, 分享一下!!

they are that mine also

明顯你o地全家都冇好好咁教育下隻狗...

1.同狗鬥大聲係冇用。
2.如果佢訓緊果陣,有人行過佢身邊佢會惡,表示佢好冇安全感。
3.如果你係o係佢食緊o野果陣拎起佢o的糧,當然會惡啦。
4.有人返屋企佢會失禁,係有神經質o既表現。
5.失禁後佢會飲返自己o的尿,證明佢明白唔o岩,想整返乾淨。

總括o黎講,你隻狗冇安全感,唔夠信任你o地,又冇咩教育,
你o地亦需要學習多o的有關養狗o既知識。

你隻狗咁惡,主要原因係因為佢以為佢自己係最大!

首先,狗咬人係一種習慣,因為你一開頭覺得佢出牙仔,所以你以為佢冇咩野,冇理佢~
但佢既潛意識就會以為你係比佢咁做,所以佢習慣左咬你地,
我養既狗初初都有咬人,佢以為我同佢玩所以咬我,不過我會好大力打佢個嘴同佢SAY NO,你一定要好忍心咁鬧佢同打佢,首先要佢驚你,你SAY NO既時候佢要識停
你要比佢知道你先係主人,你可以同佢做一D口部動作,令佢唔好咬你

首先你要從佢後面攬住佢,將佢既背部緊貼住你
然後捉住佢個嘴(令佢唔可以張開),
做一D上,下,左,右同轉動既動作(係轉動佢個頭喎~)
初初佢一定會反抗,咁你做大力D捉住佢個嘴....
<呢個動作係話比佢知,你可以控制佢>

而佢唔比你行過佢側邊,又或者拎佢個糧盤
係因為佢太保護自己,咁亦即係話佢未認同你
你平時應該多D同佢溝通,多D摸下佢個頭,耳仔,眼既周圍,
狗係會鐘意人摸佢呢D位架~

因為佢認為佢既地位比你地大
所以佢覺得自己係邊度痾都得
你應該從新教過佢~

其實每一隻狗無論係太開心或者太唔開心都會失禁,好正常架~
因為佢地細個未識行既時候,佢地唔知幾時要去厕所,要狗媽媽舔佢剌激佢痾既部位
佢地先識痾,所以佢地一受刺激就會咁,
而佢飲返都係正常架~因為細個時佢啊媽都係咁幫佢舔架啦
佢覺得飲返都係冇咩特別呀~
其實你見到佢舔既時候,你應該將佢抱走,唔好比佢見到之下抺返乾淨地下
你亦唔應該鬧佢,你要當冇事發生過
當佢冇左呢D既記憶,佢就唔會再係咁~

希望以上可以幫到你啦,我都係睇書學返嚟架~
亦希望你可以同佢建立好關係啦~比D耐性.......加油!!!!!

第一, 我覺得你細細個就由佢係咁咬人都唔鬧, 所以大家, 佢邊會驚人呢,
你屋企, 會唔會有d家人令佢覺得不安?因為d狗多數都會好驚比野佢食果個, 如果你話, 你囉佢個盤, 佢都咬既, 會唔會, 佢覺得不安呀?
7-8個月, 仲有得教既,
1. 我個人覺得, 有時, 如果真係唔聽話,都要有適當既打, 唔洗大力, 都唔洗起勢咁打。如果佢真係好唔聽話, 試下禁住佢個頭起地下, 起佢後面, 用報紙或者雜誌打個地下, 睇下佢既反應, 如果佢縮, 咁未即係驚囉, 咁你知佢驚d咩, 你就可以易d教啦。
2. 如果佢周圍痾, 呢d, 可能係發脾氣既行為。打狗唔係話唔得, 邊到有人教狗真係可以唔打狗先? 不過, 要睇下你點打啦, 如果好似痴左線咁打, 佢都唔驚啦, 因為已經成日比人打到咁。如果, 9唔9打一下, 突然比人打大獲dd, 佢就會知死既。
3. 你比佢痾個D報紙, 會唔會成日轉位? 其實, 狗係D, 要習慣性既生活架, 如果成日轉, 即使係有報紙, 佢未必明, 如果唔係, 佢都唔係狗啦 。

以前我隻狗都會同佢玩玩下, 玩到發脾氣, 不過, 一見到佢個發脾氣個樣, E晒咀個樣, 我就即刻打佢個鼻, 不過, 一下好啦, 都唔洗好大力, 呢個位置對狗黎講, 其實好敏感, 都會好痛, 所以唔好大力。之後, 佢而家3歲, 都未再見過佢E咀同發脾氣。

之前有個AUNTIE, 因為成日同D狗打交, 所以, AUNTIE打隻狗, 點知, 隻狗痴左線, 一見人就咬, 所以, 隻狗都係一個人住天台, 食飯都起個門到放入去, 因為, 佢見到人就咬, 所以, 唔好打得太勁

如果真係唔聽, 就比人訓練個D囉, 其實, 唐狗好有靈性架, 都係細個姐, 比D耐性教啦。
好多呀媽都鬧個仔, 你再係咁就唔要你, 咁有邊個呀媽真係唔要仔? 你如果真係錫佢既, 你就用耐性教好佢啦

加油

狗同人一樣,你細時就慣佢,佢就會愈來愈過分,大左好難改ga la。
現在已經咁大隻,而且又咁惡死!要教要打分分鐘比佢咬到入醫院(大獲la)
最大獲係玩失禁,真係成屋都係ga wor.......
做死d家人咩???
你想下你愛家人多D定隻狗多D lor...........
比得起$$就送去狗學校學下la.......
如果唔係就送給新界的朋友看門口lor(夠惡ar ma)