想學打鼓應該要點做!!

我唔會係度hard sell你一定要跟人學, 其實自學也可, 只係你要付上雙倍的時間
1)拍子機
首先你要知道, 鼓手係一隧樂隊節奏既靈魂; 而節奏, 就係奠基係穩定拍子!
換言之, 一個鼓手無論自學又好, 跟人學又好, 一定要有拍子機防身
而鼓手用的拍子機, 係必須要有headphone的output, 而唔係鋼琴的那種
建議用intelli的拍子機, 柏斯賣$320左右.
2)鼓棍
講到明鼓手鼓手, 一定要有一對打鼓的手, 所以選棍方面很重要!
市面上既棍太多, 但對初學來講, 本人建議你用tama/vic firth/promark的5a或7a棍; 原因好簡單, 因為木質夠好, 令雙手更容易操控
3)鼓書
初學者, 係首先要建立好睇鼓譜同基本手腳操/的節奏,
而書方面, 我建議你用patrick wilson出的" to teach you how to play drum"
入面除左有教你點開始睇譜, 數拍子, 拿棍等等之外
仲有介紹各類不同音樂的基本節奏
以及有些日常練習
呢本書好全面的
仲包埋隻cd比你
尖咀tom lee有售
4)鼓pad
我不建議你係初學階段買鼓, 但練習 pad也一定要有一塊,
鼓手日常也要經常練習snare的rudiment
鼓pad, 正是幫你解決呢個問題
一塊$120 remo出的鼓pad, 已經夠你用上10年之多
tomlee有售
5)聽歌
鼓手, 要咩都聽, 唔好只一味死聽某類歌, jazz, latin, pop, metal, reggae, r&b等等咩都要聽
因為聽歌就係你既知識根源!

我叫jackie,希望幫到你!

我係私人教授既, 兩年教鼓經驗, 夾過四年band, 約10至12堂, 1 對 1, 每堂一小時, 約第七堂就教你玩歌, 通常都係在旺角區上堂, 可以每堂比學費, 其實學鼓就易學難精, 有興趣就email 比我 or msn add 我再傾詳細內容: [email protected]

初學最好去琴行學 , mono係一個唔錯o既選擇~~
係屋企練o既最好買電鼓 , 最平o既好似都要九千以上 , 但如果有另一個地方係工廠區等地 , 就當然用返真鼓 , 可以買一套二手五件鼓由千五至二千起o既都有 , cymbal個d就另計 , 鼓棍一般六十蚊以上 ,見過有五六歲o既小朋友學 , 所以年齡唔係一個問題 , 性別更加唔會係問題 , 只要你真係有興趣 , 同埋肯努力去練 , 分分鐘好過男仔~~想知o岩唔o岩可以上返三兩個月堂試下先o既~~

柏斯音樂中心都有好幾個導師教打鼓。
教得好與唔好係要睇導師，唔係睇琴行，所以好難話起柏斯音樂中心學打鼓好唔好。要睇你好唔好采遇到過好導師。