我勁想買狗「勝Ｘ道」邊間鋪可以避免買到有問題狗仔

唔好係超凡買呀, 我隻貴富都係果度買, 佢話就話玩具, 而家變左迷你, 已經over 10 磅, 都唔緊要, 我原本係用六千蚊買隻英國老虎, 點知返到屋企第二日就狗瘟病發, 醫左成個月都好返但就盲咗仲生左達大癬, 之後佢搵左呢隻比我, 我原本要求退錢, 佢猛話呢隻無問題, 咁我廢事同佢鬥咁耐先迫於無奈搵呢隻貴婦仔, 佢仲想我補三百蚊, 我話補錢的話我去消委會, 佢先唔洗我補, 佢仲話火紅色, 其實係淺啡色, 都唔緊要, 我接佢回家後第一時間帶去紅蘿白沖涼, 個店員同我講狗狗有咳及生皮膚病, 唔肯同佢沖, 咁我咪帶佢返屋企囉, 個老闆話佢係玩具貴婦, 叫我比葡萄糖水佢飲, 點知飲咗一星期就咳到痴肺, 之前已經有咳, 點知飲完葡萄糖後就有勁多痰, 之後皮膚病變咗金錢癬, 都唔緊要, 而家總算醫返好, 但d癬就惹到我生埋, 我同佢糾纏時, 差不多每日都去佢shop, 見到有好多狗狗有病比人退回佢地湊, 隻隻都好唔人度放入個一呎籠, 佢隻鬆獅咁大隻都係放入個兩呎籠, 痾左屎都唔理, 但我發現佢為左賺錢都好無人性, 狗狗明明有病又話無事, 係咁叫你買大埋垃圾比佢進補, 仲叫我比鈣丸佢食, 好彩發現得快, 原來鈣丸係會令到狗狗老左後好多病痛, 佢講要比既所有野, 回到家後狗狗都唔食, 我初時以為我果隻係玩具因為佢好細粒, 原來唔係, 係因為得排骨, 醫生仲話佢唔夠營養, 叫我比好d及多兩餐佢食, 所以咁多病痛, 諗返先知佢地為左令狗狗細身比得一餐佢食, 唔怪得佢一見到野食發左癲仲失禁, 我見佢返我屋企第一晚好乖無亂吠, 又無作反, 我先繼續養及自己醫, 都睇左成二三千蚊醫生, 但我朋友買咗隻玩具貴婦都係四千蚊(住家), 相對我比多差唔多一倍錢買左隻唔純種, 不過而家都算, 因為佢算健康及好乖, 都唔理得咁多, 不過比個賤人搵左笨, 流咗成個星期眼淚好唔抵啫!

你要買都係去紅蘿白及qpet, 寵物城都好, 起碼唔洗好似我咁流乾眼淚, 洗左好多冤枉錢及心血

其實點解你唔去領養一隻狗狗，你知唔知Ｄ寵物店全都是Ｐ人的，領養一隻狗狗可以令狗房多一個位比令１隻狗狗，如果人人都去買一隻，Ｄ小孤兒就好唔快樂了，雖然不是什麼名種狗，但你去領養一隻狗狗比你去買一隻狗狗好呢！
我隻狗狗都是領養的！
領養一隻狗狗，＄平好多添，不要看小領養的狗，因為我都是領養狗狗，唔係唔好，不過，領養一隻狗狗＝做左善事，就唔好介意佢係甚麼品種吧！佢地真係很需要一個HOME的！

--------------------------------------------------------------------------------------------------

領養狗狗地方
http://www.hkpet.net/big5/adopt/

http://www.pet28.com/

http://www.hk-aac.com/

http://www.hkcaf.org/2005web/Ch/c_parentingwork.new.htm?action=load&uid=391

http://www.petpetplayland.com/topic.php?fid=9

http://hk.88db.jobsdb.com/hk//Views/showsearchresult.aspx?Q=&CatID=1027&SubCatID=1308

http://www.spca.org.hk/chi/adopt/homing.html

http://www.doggygarden.org/

http://www.spca.org.hk/

http://www.saa.org.hk/

－－－－－－－－－－－－－－－－－－－－－－－－－－－－
黑店網址：
http://hk.geocities.com/coraluby2004/
http://www.pfhouse.net/index1.htm（內的重要事項）

勝乂道間間都係同一個老闆（我見過佢係不同的店出出入入，連０的ｓａｌｅｓ都係，今日係呢間，第二日去左街尾果間），所以你諗下啦，有咁多人話買左病狗．．．．．．你知乜事啦！

當然好彩的冇事，但係唔係個個都揀到隻好的！而且佢一個籠成幾隻狗．．．．．．野到病的機會好高．

既然你都唔介意係咪純種，咁點解唔試下去搵領養呢？
領養返o黎o既狗狗雖然未必可以係bb仔咁細，但係1~2歲真係好多，而且一定保證健康，又幫到可憐o既狗狗，何樂而不為呢？
(ps. 純種同混種o既貴富我都見過有得領養，而我自己亦都領養左一隻西施同北京o既混種狗狗。)

在勝x道有間叫 TOP 1的狗狗店,我覺得都幾好架!我買左隻朱古力色的玩具貴婦犬,現在都有10個月了,佢現在好健康和活潑呀^O^
仲有一間叫犬工房架!O個度都有狗狗賣架,地址: 九龍旺角自由道1B地下~~~~PS網址係http://www.dogroom.hk/