三角戀問題?

我之前都係咁既情況，當其中一方離開校園踏入社會後，無論以前感情有多好所有野都會改變晒。其實個女仔或多或少對你仲有愛意，只係外界有太多引誘，對於初出來做事的小女孩來講真的很吸引。
講真，有可能個女仔都唔係咁鍾意佢個同事，只係純粹好奇覺得好吸引。
其中一方出來做野，而另一方仍在求學既話，思想分岐會越來越大，例如讀書既會唔明點解出來做野既人要成日開ot咁。
我認為既然個女仔而家係咁唔穩定既，何不放手讓大家做返朋友，總好過繼續拖拉落去。
我覺得一段感情要長久，係要經歷多d野，咁先會穩固。
再者你地而家分開姐，唔代表第時唔會再一齊返，感情既野太多變數，又或者可能遲d你會係學校、什至出來做野之後遇到更吸引你的。
年輕既時候我地都對感情太執著，其實退一步你可能會得到更多呢。
祝你好運

感情從來係雙向,
你地係相愛固然係好,
但從你ge說話,我完全睇唔到你地係相愛.
首先,佢太易愛上人,
亦唔夠愛你,所以佢睇來冇咩可能會係你ge終身伴侶.
而你,
你係愛佢ge,但係因為佢太比唔到安全感你,
你都冇辦法信任佢.
你會對佢有猜忌,成日都好擔心.
你同佢一齊就好似活在一個陰影之下,
好緊張,都唔幸福.

其實我諗你同佢分手好d,
唔理對你對佢都係解脫.
或者佢未夠成熟去處理感情事,
你地一齊步伐唔一致,唔夾.
或者你會唔捨得,
但係你地都唔係未分過手,
第一次佢開口,你都唔係太hurt je.
第二次你開口,即係你都睇到係有問題.
而佢,佢都話佢唔值得你愛,
佢都睇唔到你地ge將來.
就算你地今次唔分手,都不過係拖住先.
下次你地又會再想分手.
你地段感情都真係好似潛建咁,
好危險,瀾完又瀾.
即使一齊都係貌合神離.

其實你都仲細個,將來大把機會.
塞翁失馬,焉知非福.
你同佢都唔適合對方,不如大家放手,
唔好死賴la.
或者讀完書再諗la.
唔係好大件事je,
你會遇到更好ge~