大家喜歡男上司or女上司多些? by under 女 boss 的人

我都同意, 如果你是男o既, 就配女上司會好些. 如果你是女的, 就配男上司會好些. 尤其是如果你是靚仔or靚女的話, 情況更加明確.

不過一般情況來說, 我覺得男上司始終會好過女上司的, 因為始終女人會比較情緒化, 而且有時會按個人偏見可能會對人不對事, 這是鐵一般的事實!

我係女人
初初出來做野, 無工作經驗果陣, 唔知點解請親我都係女上司
跟女上司做野果陣
我希望跟男上司
雖然我係女人, 但係直覺上都會覺得女人小器, 斤斤計較
但係而家有工作經驗後
請親我都係男上司, 仲要係架佬
我under過兩個架佬
一個係好好人
好到無人信
你發佢脾氣絕對唔還拖
如果女同事要返大陸出trip, 佢一定要搵一個男同事陪果個女同事, 驚一個女仔出trip有意外
後來我轉左呢份工
呢個上司都係架佬
哇, 衰到無人有
我做左野差唔多20年
都未見過一個咁衰的人
性騷擾都唔在講
出言侮辱
例如我話牙痛, 佢叫我去睇牙醫, 因為我果隻係智慧齒, 剥親智慧齒都係牙又痛, 荷包又痛 (貴), 我無果陣時無錢剥, 要拖耐D, 佢叫我企街, 企係條街問男人攞錢, 我同屋企人講番呢件事, 我D屋企人(仲係我阿爸阿媽)教我如果下次佢講同一樣野, 叫我問佢, 佢老母係咪企慣街, 所以佢先至有咁既提議, 點知佢真係又講番呢句, 我用阿爸阿媽教我果句回敬佢, 你地都知呢, 好多人係佢話人就得, 人地話番佢就唔得, 呢, 我呢個人渣上司就係呢種人, 我反駁番佢果陣, 佢發浪黎, 一手推我落張椅度 (當時我係企響度)
我一入黎呢間公司開始, 佢就唔會教我野
佢話, 上司無義務教下屬野
(果陣時剛剛入公司, 我仲未同佢有牙齒印的時候, 佢都話唔教)
佢話一個人,唔識, 要自己搵答案, 上司無義務教下屬
供應商出唔切貨, 佢要我一個女人攞4箱貨去搭飛機去日本總公司
(佢次次都話唔得閒去, 叫我去)
講多樣野俾你地知, 果條人渣架佬話日戰時期的慰安婦唔係被迫, 佢地係自願, 果D係妓女,
我話唔係, 佢地係被迫, 點知條人渣話呢D係我地戰勝國的片面之詞喎
所以話, 唔一定係女上司唔好
男上司衰起上黎, 都唔係野少
其實無話男上司好D, 定係女上司
呢D係好講果個人本身性格既
其實到左我呢個年紀, 可以話好男人, 好女人, 衰男人, 衰女人都被我見過晒
至於跟唔跟到個好上司 (男或女都可以)
真係好講緣份同運氣

我覺得通常是不同性別的會比較好（即：男上司和女下屬，女上司和男下屬），這個是基於“同性相拒，異性相吸”的道理。不知道有否覺得對異性的包容度會比較大一點（當然這不包括男女朋友和夫妻的關係在内）？而且，要在異性群衆中樹立良好的形象，會很自然地對自己的行為和説話變得較爲著重！

就因爲這樣所以異性的配搭會比較好！

始終女性比較情緒化，
每個月仲有幾日特別“蚊”！
所以比較喜歡男上司！

男性比較決斷、理性，
一就一二就二，
唔會一時一樣！

女上司或者偏袒我的人，因為我可以電他們 ！

睇下你自己本身係男定女啦
始終好多時都係異性相吸
男上司對女仔好d
女上司對男仔好d

不過我又真係覺得男上司好少少
因為無咁陰濕
多數有咩會出聲
唔似女上司收收埋埋

男boss
因為男人較女人更有魄力
而且能令女人信服的也只有男人

只要人好男女沒差