叫大嫂係一種尊稱,無須咁介意,我諗佢都唔會介意,仲覺得受到夫家家人尊重 tim~,因為我
husband d 兄弟妹都比我大,佢地最初對我唔係咁好,覺得我似一個細路女,見到我只係 say hi !!!我唔開心,我覺得佢地睇我唔起,我咪同我 husband 投訴囉,之後,佢地開始叫我大嫂,我不知幾開心,你可以同你阿哥傾下,問佢太太喜歡如何稱呼,免卻惹來誤會丫嘛!!!
其實年紀都唔係問題,我覺得都係一種尊重稱呼,起碼佢都知佢係你大嫂,我覺得國內d人可能會比較鍾意叫單字(全名最尾個字),如果佢有英文名更好啦,可以叫英文名,又或者你可以問下你哥哥我應該點叫會好d呢?
我老公大我11年, 佢最細個妹都大我幾年, 其實我同我老公d兄弟姐妹都唔可以講得係好熟, 都唔係一齊住, 如果佢第二d人面前介紹我, 就會話我係佢個阿嫂, 但係平時佢唔會咁叫我 (我都唔仲意佢咁叫我, 因為好怪), 佢會叫返我"阿X"~
當然, 如果唔係成日見到, 只係久唔久見, 叫返阿嫂啦, 會尊重d; 又或者第時你同佢熟, 有機會咪問佢其實想你叫佢阿嫂定係名囉~