貓和狗可以一起住嗎

可以o架! 我本身都有三隻貓貓同兩隻狗狗, 佢地都相處融洽。但初初狗狗返黎o既時候, 你要留意下佢地o既相處, 暫時唔好俾佢地單獨相處, 因為隻狗狗可能會當隻貓係玩具, 一定會追隻貓, 咁貓又可能會反擊, 用抓抓佢。但其實狗狗應該唔會傷害隻貓o既, 因為貓跳得高, 走得快, 但狗狗就有可能被貓貓抓到喇, 尤其是眼精呀, 要好小心! 總之留意住佢地, 你見隻狗狗追貓呢, 你要stop隻狗狗, 另外如果見隻貓貓抓隻狗呢, 你都要stop, 俾佢地知道唔可以咁樣! 而家幾個月大, 係佢地最頑皮o既時侯, 所以追逐下打下架, 在所難免o架喇, 大個左定性d , 佢地就會相處得黎o架喇!

可以,不過最好同一時間養,我個fd隻貓貓同狗狗好fd ga 。

可以......我個朋友一貓一狗相處一流,friend個打 "ben"...

可以, 好似我自己本身養左兩隻貓同兩隻狗, 佢地相處冇問題架, 當然貓同狗可以一同由細養大就最好啦! 如果唔係, 你一定要將後來者 (狗狗) 先隔開, 並且要唔好令貓 b 覺得自己被忽視, 例如俾野食要俾隻貓先啦, 有野玩又要同隻貓玩先啦! 如果唔係, 佢會以為你錫隻狗多過錫佢, 佢咪會唔鍾意小狗囉.........

不過, 貓同狗一齊玩的時候, 都係好似打交咁, 你要留意小貓有冇發嬲, 佢地發嬲的話, 成個背會彎起, 同有 fe fe 聲嘅, 呢個時候, 你就要將佢地分開喇, 如果唔係, 小狗同小貓應該係玩緊啫...........

當然可以啦! 我自己經驗, 兩狗一貓...

開頭梗要少少時間磨合下, 但情況會同你本身有貓, 再加新貓一樣, 新舊貓(同主人)都要適應....

有時d貓貓狗狗扭打下都正常, 唔係 (嚟真) 就無事..兼且d動物如果年紀仲細, 適應就更加快.

上面果個人講得好岩
我都有1隻貓同一隻狗
隻貓7個月大倒
我汁佢番黎既
初初隻貓見到隻狗佢好驚
隻狗一行埋去隻貓就好惡,狂抓佢塊面
隻狗差d盲
雖然隻狗勁比隻貓抓
但係都唔知死
成日撲上隻貓度同佢玩
過左1個星期之後
隻貓慢慢習慣左隻狗
已經冇成日抓佢,冇隻狗咁好氣
但係有時隻貓忍唔到隻狗就會抓佢幾下
不過唔係認真果隻
其實你最緊要就係幫佢地剪指甲
因為貓狗d指甲都好容易抓傷大家.
我諗芝娃娃會惡d
不過既然你想養既都係細狗.
應該冇問題.

只要佢哋熟咗就得啦!而且芝娃娃&玩具貴婦都冇攻擊性。
最好俾佢哋明白到要和睦相處。

2006-12-06 12:52:15 補充：
最好等隻貓大d先養多隻狗狗~

其實都唔係話唔得
不過要由細兩隻都一齊
如果唔係就一定出事
比你
突然有一日
要同一個異類住
你會點

貓同狗其實都可以好 FRIEND 架, 當然最好係兩隻由細養大, 對慣左一齊生活唔怕有妒忌既問題, 而家係隻貓只係四個月大, 可以再養多隻狗仔的, 不過最初要留意多D, 如果佢地打交就教訓下佢地, 耐左自然會相處到.
我有個朋友隻貓同隻狗都好老友架.

可以的, 但一定要一起由細養大 (同一時間), 咁佢地就會變成好朋友的
若你是一隻大了先再買另一隻, 咁就會打架, 直到其中一個離開.