✔ 最佳答案
首先﹐不幸地25號倫敦係唔會有public transport嘅﹐如果要出去玩﹐就只好自己用腳行或者自己開車。不過可以話你知﹐個日無咩商店會開門。26-27號開始大減價﹐public transport都開始行返﹐不過班次會比較疏。如果係留係london玩的話﹐健議買one day travel card﹐一日任搭所有交通工具如地鐵﹐巴士﹐火車﹐輕鐵等﹐zone 1至zone 4一日票價為5磅2﹐絕對係最平最快最抵嘅選擇。不過如果你住bayswater的話﹐其實都好近好多sightseeing point呀!
如果27號朝要去heathrow﹐可以選擇搭地鐵深藍線(Piccaddilly line)﹐大約要1個鐘左右﹐但係好平﹐只雖買zone 1到zone 6單程飛﹐好似係3磅幾。如果唔想等﹐可以到Paddington搭Heathrow Express﹐搭呢個只需25至30分鐘左右﹐但係比較貴﹐好似要15磅以上一程。不過如果你有咁多人一齊去﹐可以選擇叫mini cab﹐呢個類似的士﹐不過價錢一早講好。如果由zone 1 去機場的話大約20至30磅啦﹐不過就方便﹐唔駛上上落落﹐由酒店車到你去機場。酒店可以幫你代叫架。
你都可以check下倫敦交通website啦﹐有最update嘅資料架。
www.tfl.gov.uk
希望可以幫到你啦﹗
P.S 如果買地鐵飛的話﹐可以問佢攞張oyster做紀念﹐呢張嘢好似香港嘅八達通咁﹐du一du就得架喇﹐仲唔駛錢添。
如果你係25號到london就麻煩D喇﹐因為個日無公共交通工具架﹐只可以叫mini cab﹐不過價錢肯定貴﹐有時可能係平時嘅3倍。所以如果你地真係christmas個日到的話最好同酒店預早講﹐叫佢地嚟接你。