點解D街頭騙案條橋咁舊.....

1) 做得呢一行嘅, 如果演技唔得, 咁唔PRO, 又點可以出來搵食呢?

2) 香港人整體唔單純, 但系必然仲有好多懵下懵下的, 只要人口裡百分之零點一系呢類人, 已經打把世界撈啦.

中計者至少有兩個特點: (1)貪心. e.g. D街邊估啤牌黨分分鐘可以騙到司奶們百倍嘅買送錢, 完全系因為D司奶以為嬴錢好易, 有少少租頭, 比人吹谷下就落大注, 結果輸清光. 呢種人就算睇過一百次警訊都會中計的. 無得救. (2) 無知 + 感官能力衰退. 正如第二位朋友所講, 佢地未必留意到有關防騙的消息. 當有騙徒向他們埋手時, 他們根本未能及時察覺, 便以為 (例如) 同自己講電話果位系自己個仔, 出咗事要 ((急)) 錢使, 又或者以為自己的親人有難要神仙才可打救, 於是基於無知的愛心而付上了全部身家了.

3) 唔知, 但中咗一定死, 所以返大陸尤其要小心!!! 要預防老人家被騙好難的! 建議各位叫自己屋企D老人家, 唔好放咁多錢在saving度, 做定期又好買下匯豐都好啦, 要應急錢都唔使一次過幾十萬掛?? 咁做法, 騙徒就算成功埋手, 最好都只是呃到三幾萬, 而唔使輸身家咁大獲.

因為民智未開，橋舊唔等於所有人都知(一日都有百幾個新移民唔知，仲有d入世未深既青少年)，政府宣傳不足，老實講電視果30秒廣告對冇background knowledge既人真係唔係好知佢想點，街頭騙案主要針對無知婦孺犯案，受害人既理解能力、應對能力有幾強大家心照，所以呢d廣告既效果真係好有限。

警訊播出時間固定、一星期只播一兩次而且唔係黃金時間播，果個時候冇睇開既人你播幾多次案件重演都冇用。

因為少了人去創作新騙案橋