請推介一些有助改善中文閱讀理解的方法

我雖然唔係a，但a level 中化我有個b，可以話俾你知點讀好中化。教你逐一擊破！
卷一︰實用文及閱讀理解
卷二︰文化篇章
卷三︰聆聽
卷四︰說話能力

卷一~我係a ga，所以請聽我講喇~ 好傳統講句，真係要多d 寫，多d 睇例文。格式一定要熟，否則作得再好都要扣分。唔好以為實用文記熟格式就一定高分，唔係，因為佢地認為li d 係基本野，你識得係應該ge。好多時候佢都會透過你ge內容去分析你思想同態度夠唔夠正面。仲有要針對問題去解決，少少同題目冇關ge 野都唔可以有。如果你寫建議書，就唔好用大篇幅講個背景，如果你寫評論或者報告之類，都可以加一兩句建議。見解除左d 大路野一定要自己諗d 新野出黎，俾佢睇到你有創意唔係抄例文。例如講新聞自由唔好靜係話成立監察委員會啦，要講d 具體d ge idea，要可行ge。要言之有物，有文有路，organize 過ge，要俾佢睇到一個中五生同一個中七生寫應用文ge 分別。
閱讀理解方面呢，如果係速讀就好彩喇，因為問題通常會易d，極速睇完第一篇問題就響第一篇內容搵答案，然後落下一篇問題如此類推。快而準係致勝關鍵，唔好停低諗。如果係甲乙丙ge 閱讀理解呢，就一定要睇明晒篇野，知道主旨，答問題切忌頭痛醫頭，記住諗到佢篇野每講一句背後都有意思ge，盡估啦，因為都幾難估得中，中左就掂。

卷二~文化篇章呢，本人都係a ge，書ge 內容熟就當然好，明ge 就記實，問極都唔明就由得佢。答文化篇章最重要最重要ge 必勝技巧係︰客觀、中庸之道、引得返課文教過ge 野黎應用。通常佢都會出d 好偏激ge 問題黎考你，而平凡人通常都係會答d 大路野，譬如話用動物黎做實驗，通常d 人會講好多野反對，如果你都係反對ge 話，不妨用答案ge 70%講點解反對，用30%講一d 無可避免要用動物做實驗ge 例子。仲有要睇多d 報紙注意時事，冇時間就睇報紙ge 評論。時刻帶住批判思考，諗完一方面再試下響另一個角度睇件事，然後諗一兩句建議出黎係可以滿足到兩方面ge，咁你個marker 就會好impress ga 喇。

卷三~ 聆聽，li 幾年轉左由用大量文字作答到揀部份正確呀o個d 選擇題。你一定要做past paper，做完一定要知道點解佢講o個句野係o岩，點解句野係唔o岩。分析佢句句子，而唔係一味jot notes。

卷四~ 說話能力。講speech ge 時候千祈唔好講太多大路野，你諗下一個marker 教完書放學已經好疲倦啦，仲要聽每個人講一模一樣ge 野唔訓著至奇。眼神交流呀聲線d 野我唔講啦你老師有教，總之你要透過你個speech 去impress 你個marker，令到佢專心聽你講，覺得你係有見識，讀完書冇白費到ge。討論方面，我相信老師應該會教你時間控制呀，自己要開聲講之餘要俾人講呀之類ge 野。但除左咁之外marker 都會睇你人格思想。同讀本問題一樣，你講o個一分鐘要表明你中庸之道同客觀ge 思想，要提出你ge 獨特見解(唔係奇怪見解)，一開頭表明到你之後想講ge 野ge 中心思想。只要你係有道理，以一敵百都唔駛驚，但緊記態度友善。萬一要轉「車太」都唔好忘記自己原本有ge 觀點，試圖用人地ge 觀點加埋自己原有ge 觀點睇下可唔可行，咁就掂晒。

中化科，冇難度！

下列是中國語文的練習~~
香港教育圖書-高中閱讀及寫作應試訓練 (上冊) (附答案冊)
香港教育圖書-高中閱讀及寫作應試訓練 (下冊) (附答案冊)
牛津-新會考語文能力訓練 套裝中四
牛津-新會考語文能力訓練 套裝中五
星河-會考中國語文科系列-閱讀能力精進訓練
導師-閱讀能力導向訓練 中四
永柏-會考中國語文文言文閱讀理解訓練