由細到大,我都未清楚自己既性取向
即男又鐘意,,女又鐘意
第一次,17歲,初戀.拍左1年4個月
對方是同班同學(女仔),也是初戀
我思想比較成熟.對方也是
我同佢好夾.覺得佢好適合自己
唔知係咪因為初戀我特別投入
認定對方係一世既人
我地曾經一齊好好計劃將來
我好愛好愛佢,我全心全意對佢
同佢有好多好多刻骨銘心既回憶
因為中六唔同校.又太多野做
又住得遠.可能佢對我淡左
最後因為對方有第三者(男仔)而分手
分手後一個月後佢同左個男仔一齊
分手後,我好似活死人咁
做咩都無晒心機.失眠.冇胃口
一個月瘦左20磅
我深深感受到戀愛既威力
對佢.我用左好耐時間都仍未放低
分手後半年我在網上認識左三個女仔
三個女仔都向我表白
但其實我只對其中一個有感覺
我同左佢一齊
更新1:
這是我第二次拍拖,我當時19歲(中七) 對方係初戀,當時佢16歲(中五) 佢份人好細路女,做事不成熟 思想比較幼稚,好貪玩對人又好熱情 我覺得同佢唔夾,佢並唔適合我 我地都曾經一齊計劃將來 但其實對此我內心有保留 之後佢升唔到中六讀其他野 又一邊番PT 最後因為佢對人太熱情又有第三者追佢(男仔係佢同事)而分手 分手後只係一個星期後佢同左個男仔一齊 我都好傷心,因為我為佢曾真心付出過 但只係一個月,我已經平復番心情 我跟她這段感情亦只維持左1年
更新2:
分手後到現在兩個月 我番工那邊有個男同事(20歲)鐘意左我 經常msn,sms我 又會送我去塔巴士 又會在放假番公司教我幫我 但我一直當佢係fd 但我身邊朋友叫我試下同男 同時我在網上認識左兩個女仔 同她們好岩傾,大家好似有D野 但她們倆都剛剛17歲 因為第二次拍拖既經歷 我感覺上認定左十七八歲既女仔係唔認真 我自問我係個好專一的人 我絕對唔會同一個人一齊時 愛上另一個人,我只會全心全意 就算我對人有好感,我都會立即阻止同刻意保持距離
更新3:
我未同過男仔一齊,有恐懼 其實我prefect同女仔一齊 但兩次拍拖都係因為對方有第三者而分手 女仔--我現在也有恐懼 大家可唔可以比D Suggest 我 我都唔知自己想點 我好怕再比人hurt多次 我唔敢再拍拖了