清蒸海東星 同 清蒸東星班 分別

海東星同東星其實冇乜分別大家都係生活喺個海裡面，只係叫法唔同。但佢哋最相同嘅就係[人工養殖]。
原因係好多種魚類都係養魚，什麼東星班西星班呢啲貴價魚都係一樣，而街市賣嘅必定係養魚，絕小有野生賣。講真嘅年代仲有幾多野生嘅魚可以食到，唔係自己出海釣或者捕你都未必食到真正野生嘅東星班。
點樣分別野生魚同養魚，其實唔太難，首先你要知道養魚一定係用繩網網住嚟養兼養成一佰幾十條喺一籠，咁啲魚會喺網內游來游去嗰陣魚咀必定會觸碰倒繩網而磨到魚咀破損。正宗野生海魚就唔會有呢個情況，就算覓食或者游動咀部都好小會觸碰倒而破損。呢個係分別出養魚嘅第一種方法。
而另一種分別方法係睇魚鰭及魚身。養魚喺繩網內經常爭食物、打鬪及互相追續時令魚鰭及魚身會磨擦到繩網而破爛，不過一般都唔算嚴重。而野生魚嘅活動範圍廣闊好小會出現呢啲問題。
更簡單講，活動範圍廣闊嘅野生海魚係極小損身爛咀。養魚嘅生活環境有限就會好多時搞到呢到傷個到損。

希望可以解答到您嘅問題啦。Thanks.

2006-12-05 14:27:27 補充：
講漏咗，話明野生當然好食過養魚，而野生魚價錢亦相對貴過養魚。你應該識得點樣分別乜嘢叫海魚乜嘢叫養魚同埋真正海魚啦。

2006-12-05 19:40:58 補充：
一般捕魚船所捕到嘅魚係用冰雪住運返嚟香港呢啲叫冰鮮若然可以盡快賣食落同食新鮮魚冇分別。而喺養殖場起咗上嚟嘅魚係用海水養住送去海鮮酒家到放落個魚池都仲識游水。倆者簡單去分別游水魚緊係賣貴啲啦因為好多人認為仲游緊水就係最新鮮嘛。當然有啲養魚就快釘蓋嘅話啲人會嗱嗱聲撈起佢用冰雪死再當海魚或者平啲賣俾啲海鮮酒家都有。其實好難會知佢係俾邊種[班]你相信要親眼去睇住佢交魚嚟至到蒸埋出嚟食先至知。但始終以我覺得喺擺酒時菜單上用上[東星班]呢個字眼係擾亂咗人嘅意識好似用料好高貴其實係錯覺一啲都唔高貴只係字眼上嘅問題。相反菜單上用咗[海東星]多咗個[海]字就會俾人感覺吓[海班]咪即係養班.....就係咁解。

你應係俾洒樓的人老點，先同你描述東星斑及其它活海水魚(我哋叫生口魚)嘅流程：首先漁民用生口漁船(有活水艙可暫養魚)至東、西、南沙一帶亦有遠南洋地區捕魚，魚獲多為石斑(包括各類星斑)與蘇眉，然後返港出售，一般交易會由一實力頭家(泛指批發商)全數買進暫養在魚排然後按客人需要批發至各海鮮酒家及街市小販，據我知東星斑如活的必是外來貨(本港水域雖有但稀少)，亦即係東星斑，行內述語說海魚指野生鱼反之則是養魚，但不明何以這人說成平的反而是海東星相信係該人欺你不識亂講一通而巳，說明此店大有問題，本人于南洋做海鮮行業十多年，故知此人大話連篇，野生海東星竟貴過東星(非野生)，此是五歲細佬都唔到嘅問題竟敢用來愚弄海鮮行外的顧客真真豈有此理！

2006-12-09 13:47:47 補充：
註：海鮮行業叫野生魚為(海魚)，魚排/魚場長大嘅為(養魚)，但亦有不良商人平价買入急凍石斑魚(由魚排/魚場將剛死或傷病鱼撈起急凍售賣)，作酒蓆之用(多數酒席嘅蒸魚如柴皮般係急凍貨。

照字面解，海東星就係野生的東星斑，而無注明的多數係養魚東星斑。
通常海魚會比養魚貴，但係你話海東星平d，可能係size唔同，或產地不同，如果產地係中國內地的東沙群島或香港本地，當然係會好貴，但如果係飛機魚，即產自菲律賓、印尼等地，比等地方出產的斑類通常會魚皮起沙，甚至韌皮，雖是海魚，但身價亦不會高，即使老鼠斑亦如是。
如果你要東沙群島或香港本地出產的野生東星斑，就要同食店方面指明，你當然光顧較有實力和信譽的食店較為安全吧！
但要分辨，亦可以觀察魚身的星點較幼細，外皮光滑，魚的眼要有神，不是目光呆呆的，養魚通常會較深色的，而食味方面，海魚魚味豐富，鮮甜味重，肉質較滑和彈性較強，養魚則魚味淡，肉質較粗鞋。
提議你去問食店海和養魚分別，如食店答差不多，或一樣等…比等食店不要光顧！