想問買賣股票的計法？

股票其實是一間上巿公司，因為想得到一些資金去擴充業務而出現的，他們以自己的公司分成股份賣給其他人，令其他人出資投資發展這間公司。

其他人的答案，你可以從中參考︰

「1. 咩係股, 咩係手~~成日聽到一講咩一手500股~~睇你想玩幾多手~~係點解??咁即係要比幾多錢???
股 = 我們平日的量度單位，比如是一毫升，
而一手= 一件貨物，比如是一罐可樂，你要買一罐可樂時，要一罐罐咁買，唔可能是一毫升咁買的，所以你買股票時，就需要一手手咁買啦！
例如0005匯豐這只股票，每股$147，一手需要買400股，咁你就需要有最少$58800(未計手續費)，才可以買到一手匯豐。
每一只股票一手的數量可以不同，有的500, 有的1000，要睇你買邊只才知幾好錢的。

2. 咁佢成日都會升同跌~~係咩影響到佢~~點解無啦啦會升咁多~~無啦啦會跌~~~
有時有成個市都跌(好似咩金融風暴,其實係咩)~~係咩一回事??
升跌是受好多因素影響的，比如間公司的業職，行業的因素(比如之前個市對石油行業的一致向好)，市場因素(大市氣氛向好，成個市場，外圍，美股、日股都升)，另外，有一些股升，會是因為有機構投資者入股，令市場覺得lee只股好有潛力，至於大跌市，有話是經驗泡沫爆破，則是個市因之前麻木的不斷上升，以至個市的升幅大於實際市場的上升，升至個好大的距離之後，個市頂唔住，又突然有壞消息，咁就會大跌了。

3. 成日睇到話咩2個半上3蚊~~~~係咩黎???即係代表咩??點樣2.5?點3蚊???
4. 咁當佢真係由2.5 上到3蚊~~咁即係代表升左0.5~~咁又即係代表賺左幾多錢??
***好似話depends on 你買左幾多手(唔知係咪)~~~咁即係點???
2.5同3蚊，是代表只股票的股價，個市的分析員對某只在2.5元的股票持看好的睇法，預期這只股票會上升至3元這個水平。
比如，只股是1000一手，股價在2.5元時買入，你買入了一手，你付出了$2,500(外加手續費大約$120) = $2,620。當只股個價升至3元時，你賣出，咁你可以收返($3000-手續費$120) = $2,880，在你買入，買出之間，你可以賺取$260。
**要留意，通常經紀佣金最少$100, 所以如果買賣太細，則好似上面個例子咁，單是佣金+政府費用就來回已經去了$240，極不化算。\
**買賣股票有升有跌，不能單據什麼意見就走去買，都要睇下個市況、只股票是否真有實力，還是只是消息炒作。」

至於買賣收費，可參考︰
http://bsgroup.com.hk/
其中click 「服務收費」看看。

希望你合用！

好簡單姐
將所持有既股數 乘 股價波幅 就等於賺/蝕既數目
假設係 匯豐銀行 報 144蚊時買入 1000股
匯豐現價報143.70 比買入時跌左 0.3
咁即係 (0.3) * 1000 = (300) 蝕左300大元
以上計法係未包括買賣交易所涉及的費用

奉勸一句 係你未了解股票係乜 個市點運作之前
都係唔好入場為妙 免得成為大戶既下午茶