在汽車中，甚麼是「最大扭力」（Maximun Torque）？

好多人以為淨係起步至要靠扭力係一個錯覺黎架.
一架引擎既能力最簡單既睇法就係睇最大扭力同埋最大馬力.
兩個數字都有一個轉數跟住,
即係指如果引擎係呢個轉數時,
就可以輸出所提既扭力/馬力.
好似你架車既資料係 22.8kg-m@4000rpm,
即係架車最好扭力既轉數係4000rpm, 而果時既輸出係22.8kg-m咁解.
(即係代表如果有一支棍駁係副引擎上便,
咁支棍一米位置可以放一件22.8kg既物件, 引擎夠力支持呢件野)
咩叫扭力呢? 其實係指加速用既"力"
簡單咁講你可以當佢係一股推你架車既力,
起步時對呢個要求最高,
不過如果你要加速, 架車冇扭力都冇辦法加得快.
扭力其實係幫架車加速既力.
咁馬力呢? 馬力就係指引擎既輸出 (能量輸出)
一架車如果馬力大, 代表引擎可以以高轉運作,
咁車既極速就可以提高.
你可以拎一份拖頭既資料同一架跑車既資料比一下,
大家既馬力都唔差太多,
不過拖頭既扭力簡直誇張.
扭力越大唔一定好, 扭力要大無可避免衝程就要長, (以同樣汽缸大細計)
咁馬力就會被局限, 即係極速唔快.
好似巴士扭力大啦~ 佢點俾油都唔會快過150km/h (呢個數字估架咋)
對一架七人車黎講, 扭力要高, 仲要出現得早 (唔係跑車咁去到成萬轉至夠力)
咁full load時就起步易, 要加速時就唔會好似冇力咁,
22.8kg-m差唔多架勒
4000rpm都好接近平時行車既轉數,
所以就扭力黎睇就冇乜問題.
睇埋馬力, 應該轉數會大少少,
咁呢兩個轉數之間既轉數範圍就係引擎既power band,
亦即係引擎加速最佳既轉數

有関扭力跟汽車運行的関係，請看這裡：
http://zh.wikipedia.org/w/index.php?title=%E8%BD%AC%E7%9F%A9&variant=zh-hk

簡單來說，扭力是車用以一波起步用的力，扭力輸出大起步快，所以大車要高扭力才可推郁自己，但未必會加速快(馬力強才會快)。

七人汽車引擘推至4000轉時，扭力輸出是224Newton-meter，okay啦。市區代步。七人車唔駛適飛嘅。要飛都唔買Van啦。

汽車中扭力最大的是貨櫃車或巴士。
224Nm代表扭力/在4000rpm等如轉數，OK哪！
私家車最好是馬力及扭力合得來。