2nd interview會問什麼?

1st in 同 2nd in，可以問一樣既野，1st in 係人事部 in，2nd 係你 dept head in。

HR in 人多數問你關於之前份工既野，想了解你點解會辭職，睇下你對一份工既心態係點，考你既語言、電腦技能等，睇下你乎唔乎合公司既最基本要求。

2nd in，你 dept head 可能會問你有無做過類似既工，睇你既能力去到邊，等佢睇下你適唔適合做佢請o個個位，要 d 乜去配合你，你亦要盡量諗定一 d 關於呢份工你所識既野；睇下你既學歷，係想知你會唔會做得長，傾下你想要既薪酬，睇下你既工作量同你想要既成唔成正比

記得問下一 d 關於公司既問題，包括公司發展，係等你知道公司規模點樣，對你自己發展如何；你既職責，對自己將要做既野有個概念；部門各人工作，對每個同事既分工有個概念，估計整個部門既運作；咩都可以問，要俾佢覺得你對份工好有興趣。

interview 之前，同自己講，我咁掂，唔請我，仲可以請邊個，心情會輕鬆 d，贏面又大 d，俾心機。

其實見得second in.已經好有機會,
因爲見2nd都係d高級少少ga人,
佢哋都係問你點解會見這份工,知唔知工作要求
最主要睇你個人外貌ok/not

放心啦!!見工成功