有關塑膠彩一問

Gloss Medium同Structure Gel都可以溝落去d 塑膠彩度一齊用。

Gloss Medium就係令到顏色產生光亮的效果，反過來說也有matt medium，會令到d顏色啞色。

medium都算係塑膠彩的調劑一種，有別於用水調色，加水入塑膠彩只會令顏色變得如水彩一樣，又薄又淡。

Structure Gel作用是令到原來呈液體狀的顏色變得有體積感，即便是不加水、不加medium的顏色，擠出來後雖呈牙膏狀，但塗在畫布上乾後（水份抽走），顏色最終會扁了、薄了，變成色塊。加入gel後，你可以令到顏色有厚度感、體積感，又或以此做出很強烈的筆觸感覺。

2006-12-07 11:10:23 補充：
可以，因為大家都溝得落去塑膠彩度。不過經驗所得，你係要注意幾樣野﹗兩樣野其實都係無色，溝左塑膠彩的話…d顏色會分薄左。即是點講呢……佢又唔係淡左、稀左咁簡單，（想像下在顏色擠出來上上下下、裡裡外外都係實實在在的顏色，溝開o左，就係顏色的比率細左），有點算係透明左…，尤其是structure gel，本身無色仲要係有厚度的透明。兩樣都溝晒的話，我唔知你多少份量丫，咁d色會薄左好多。以前旺角弼街間Art Supply有放一張gel的版，（gel都有好多種，我唔知佢依家有無收埋），你去望一望，再想想原支擠出來的顏色效果你就明白晒。

2006-12-07 11:11:11 補充：
此外，你也要先試效果，如gloss medium，溝多少…個gloss效果都會不同，而個顏色分薄左的效果也因此有所不同。同道埋，溝過的顏色質感點都跟原支擠出來的不同，先試試逐小溝，再看看效果是否如你所需才溝大量。有問題歡迎再問。你見唔見有鍵可以send mail嫁﹗？我都係咁o岩check回舊post先知你再問問題。否則我無入回來就唔知道。