點解無人請我做野嫁?!好想喊啊!!!

好多公司唔鍾意請返已走既人，公司可能諗你係咪玩野，走完又返o黎，咁今次返o黎都唔會做得長。同埋 interviewer 對 group interview 既表現係好主觀，鍾意就鍾意，你覺得你自己好過你個朋友，或者 interviewer 就係鍾意你朋友o個種呢。

唔駛喊既，東家唔打，打西家啦，香港地肯做既就會有工。

唔好心急，或者呢份唔請你，注定會有份更好既工等住請你呢，香港人有幾多個係一見工就見成，咪又係衰過好多次，然後吸收失敗既經驗。

俾 d 忠告你啦，
- 見工唔好同朋友一齊去見，如果唔係就會出現你o個種情況，明明係你仲紹你朋友，點知最後請你朋友唔請你，好唔公平既感覺。
- 亦唔好介紹工俾你既朋友，論發展，分分鐘俾朋友爬過你頭，騎住你，除非工作上無衝突；
- 如果介紹左個人俾公司，但佢又唔做得野，公司又因為你介紹唔好意思抄佢；
- 又或者你介紹左個做唔到野既人俾公司，自己覺得唔好意思。

總之有咩都係自己要，唔好益人，唔係自私，係自我保護。

你個fd同你係唔係同學呀,會唔會人地學歷好d?
你見工既時候表現得積極d,照計有做過summer都應該ok既
你個fd會唔會係同你唔同性別呀,有d工明明有性別歧視唔係個個請
見唔得咪下次囉,見工邊有話1次就ok呢

首先你先冷靜一點 ...

你唔好因為citysuper唔請你而氣餒先 .. 香港肯做肯學一定唔會冇人請.
你之前做summer job 果時人地知唔知你係做短期架? 係咪你辭職?
因為好多大公司係唔會請番辭過職既人