佢話我而家份保單個兩樣野係要供到死為止的 (以前又話份野入面有紅利可以25年度就供完…), 佢公司新出左新的計劃, 比我買個份好好多, 供25年度之後的幾十年d紅利就可以cover到 (以前夠係咁講啦…)
新的兩項變左為：A) 危疾及基金(但我比第二個Agent睇過, 話入面所謂的基金唔係真正的基金, 而係個間公司的基金, 我有d唔係咁明), 而呢份係可以係25年的時候比我攞一舊叫保證現金的$, 大概占我供左25年的80%咁多, 但另一個Agent話個舊$我個Agent有冇話係借比我$(要計利息, 及在我死後所得的$中要扣除), 還是真係比咗我的, 我唔知, 因我個Agent冇講明…
B)保到85歲, 危疾 (相同) , + 多左婦女的原位癌及通波仔兩樣野, 但扣除左一樣: 紅斑狼瘡(我以前份有的), 我問我的Agent點解要買重複, 佢答話佢公司只有咁的plan, 同埋話如果我咁唔好彩中左一樣危疾, 可以先claim一份(因一claim份保單就算完結左), 另一份留番我下次咁唔好彩時用 (咁就真係好唔好彩啦！唔死都偷笑…) 以上A+B係要我每月供6百幾, 但我原有保單的其他野要供4百幾, 加埋就成千幾一個月…好貴啊.
因我原本仲買左一份供5年就完結的保單, 我現已供完, 我個Agent話因我呢份5年的供完了, 有$剩, 可以用黎供呢份新的, 對我都冇影響, 一樣都米供咁多$！大佬啊, 呢份供到死架！佢猛話供到25年後夠cover到架啦, 而且仲有A呢份的$比番你, 但最好唔等$使, 唔好攞啦. 佢比我考慮的時間係幾日, 猛咁吹我簽保單… 話呢個plan今個月就截架啦, 我話你又唔早d通知我？！佢話唔見左我地d電話, 一直等我打比佢(唔通呢個係我的責任？！), 我又話, 咁你而家又搵到我？佢話問佢的上司攞的, 我無言啊…
其實我係想買個保障啫, 我就搵另一個Agent幫我整左另一份, 佢個份係：A) 人壽 + 基金(佢話真係比我選出面的基金), B) 危疾 (多過我個Agent個份的, 仲包括婦女的原位癌及通波仔兩樣野), 又係要供到死為止, 但當中有基金, 大概25年度就可以用紅利供埋落去 (呢份保到100歲) 話好天斬埋落雨柴, 早d比多d $, 可以早d供完.
我唔想要人壽, 另一個Agent話唔得, 呢個係基本野, 份單一定要有呢樣. 但人壽所占的%我唔清楚, 究竟基金所占的%又有幾多？我想買的保係, 一份有齊危疾, 婦女 + 基金,唔好咁貴. 因以有個份我只要cut左原有的危疾及婦女, 剩下的已有人壽及其他住院, 意外等的野. 請問有邊位買過咁樣的保單？或者有冇d可信的Agent可以介紹下？Thanks~~
補充：我舊個份危疾係要每5年加價的, 而我現在的Agent推薦的A+B係固定價錢的, 唔會定期加價, 而另一個Agent個份都係唔會定期加價. 因我原有的保單入面只有人壽個part唔cut得, 其他cut左或者轉都冇影響, 個Agent講. 另一個Agent話, 所有公司的危疾都屬於消費品, 係要供到死為止的… 唔想咁, 可以點ar？T_T
唔該晒 stevenyunghk & khau00 ^-^ 因有人話d銀行買就平, 不過要claim就好鬼難, 同埋有事冇人理你, 所以我都係會選擇保險公司, 有Agent跟身. khau00, 係啊我而家個間係P公司, 個Agent幫我整新的個份, 唔係我理想的, 我唔想要重複的危疾(都唔想中啦…), 但我就梗係想保得全面d, 入面的危疾想要有埋B的原位癌&通波仔&紅斑狼瘡, 我只想加一個A, 入面有齊B的野, 但佢話間公司冇咁的plan, 一定要買埋B, 咁米相對貴左羅…
而另一個Agent係M公司, 個B係附加的, 即B可以隨時可加可減, 唔影響份保單, 但我實際想買B的, 不過又想儲到$, 有紅利供落去. 我原意係長遠的, 因為年紀愈大愈貴…所以我先咁早就買左, 不過而家都廿幾啦… M公司同P公司都係US$32,000的保障額, 保費大概HK$500每月, M公司個份, 如果死, 會賠晒A & B的$, 即US$64,000. A計劃的頭一年如果比夠佢要收的手續費, 先會開始幫我用多左的$投資, 先會有紅利, 即如果手續費係1萬, 我就要比夠1萬1千, 個1千先會去投資.
khau00, 答得好詳細ar~~ 唔該晒~ 我更正下個保額：P公司 及 M公司都係US$40,000. P公司(大概六百幾/月)： A) 危疾 + 基金 B) 危疾 (當中比A多左 原位癌及通波仔) M公司(大概五百/月)： A) 人壽 + 基金 B) 危疾 (比P公司多, 有48種, 亦有原位癌&通波仔&紅斑狼瘡)
其實我心目中理想的保單係： 基金 + 危疾(M公司的全面), 我問過M的Agent, 佢話現時冇一間保險公司會有純基金 + 危疾的保單, 一定要有同保險的野, 唔可以純基金(唔通危疾就唔係保險野？) 所以一定要有人壽成份, 我不能理解… 基金 + 危疾, 如果我真係冇乜$比時, 我只需比到危疾個part就ok, 而人壽及基金 + 危疾, 我就一定要比埋人壽個part, 如果唔係就會斷(唔好話可以用紅利供, 我明, 但就會延長多好多供款時間).
我唔須要買雙重的危疾, 事關冇人會想中到, 只要有一份全面保障就可以. 我現有的保單, 我唔會cut住, 只要買到理想的保單, 過埋等候期先會cut, 呢樣明白. 其實我原有保單保得好全面, 但同之前個Agent講的25年就可以用紅利供埋, 對比今日講的供到死為止, 確實令我有d心寒架…
khau00, 再想問多一下, 其實我一直都係諗緊呢個問題, 有d疑惑…我成日諗個plan係：A) 基金 + B) 危疾. 咁基金d Agent不嬲都話基金可供, 可唔供, 如果A) 基金－－每月係供二百五, B) 危疾－－每月係供二百五, 第一年我全部都比晒$, 而第二年, 我身上只剩二百五, 咁我係唔係只要供到B) 危疾的每月二百五就可以？而又唔需要我用賺到的紅利(或者其它)去供A) 基金 ？ 雖然你話危疾一定有人壽成份, 不過就我以上的plan係唔係都只會加埋落B) 危疾 ( + 隱藏人壽)？
M公司話, 如果我一定要買 基金 + 危疾, 就需要分單買, 而基金要先比一筆$作為開戶口, 跟住每年供款, 而所買的基金又唔係原本 A) 人壽 + 基金 B) 危疾 個plan d基金… 危疾又相對貴左.