落情降有冇報應ga??

或者會有
個後果就要睇施降的人的要求
做善事那d 係一定
但通常你自己諗清楚有咩你可以失去
如果無的我覺得唔好咁做
緣份皆由天註定
何必強求不屬於自己的緣份lei~
如果你想知多d
add 我
[email protected]

當然有,而且是現眼報,因為落情降要俾錢降頭師,未見官先打八十大板,
如果搵咗個流家連法師,連錢都蝕埋,又係一報.
到頭來,情降唔生效,愛人仍然沙喲拉拉,人去樓空,又一報,
最後結論,俾法師呃錢,愛人走佬,此謂之人財兩失,咁報應夠未?
未夠...淨係傷心嗰吓已經乜仇都報哂啦.

如果,搵法師有料到,可以攪掂對方對你死心塌地,
同樣會有報應,第一報,法師自己都要受,佢大鑊過搵佢落降頭人,
同人落降,首先會絕子絕孫,降越毒,就絕得更利害,就算有仔有女都好,第二日仔女唔
認佢,或者半途玩旦,任何一種都會報係佢身上.
咪以為搵佢落降頭,攪得掂就會冇報應,因為係強行用巫術將兩個緣盡人夾硬
拉番埋,搵人落降,成日鬱鬱寡歡,郁啲都驚對方再走,郁啲都驚對方知佢落佢降頭,
又驚第二日到自己變心,對方死纏不放等等等等,都係屬於報應,
如果落降涉及有傷天和,唔係嚇你,大鑊到你唔信...

當然,降頭並不一定代表是壞的,因為任何巫術道法,始終用於正則正,邪則邪,
不過,收人錢同人落降師傅,我拍心口鐵口話,冇個好人,
有料,為咗錢乜都肯做,同職業殺手冇分別.
冇料,靠偷呃拐騙,呃啲無知人(雖然呢類人抵呃),
單係呢啲心態,就足以證明收費降頭師人格,小心呀,
有啲降頭師見到有上門善信正話,淫心一起...哈哈!!!!唔駛講嘞,係嘛....

最後,做咗壞事,俾警察拉到,你話會做多啲善事,叫警察唔拉你得唔得?
拉就拉梗,不過警察或者法官會睇你誠心係點,即係監會照舊坐,但係會判輕啲.

落降人唔會發現自己俾人落降,通常會透過第三者知道,
因為其他人至會睇到被落降者的改變...
另外,通常落降,會有法器帶番屋收埋,呢啲法器通常會連帶一張符呀,
被落降著年生八字,如情降則有兩人八字,和二人的東東,
( 當然有些降頭不會把東西帶回家,通常會放在降頭師壇上,每天依時行法施降)
如果被落降者無意中發現話,咪穿囉,
電影橋段都有得睇啦.