異國戀係咪好難呢?

我都同你一樣呀,我同我男朋友都係2個國家o既人,我男朋友都係台灣人.我們一年見一次面度啦,我平時都係同bf用ym & 傾電話傾計,我都會開cam俾佢睇下,以解相思之苦.有時我們都幾老土家,我們會寫情方比對方,也會寄相俾對方,我bf會係d相後面寫d甜言蜜語俾我,我每次睇到好開心!
其實你同bf維持呢段感情,最重要就係要相信對方,如果你成日都猜測對方有其他男女朋友,咁真係會好容易分手.我同bf都好相信對方係冇同其他人拍拖,所以我們o既關係可以維持到3年,而且仲認定對方為終生伴侶!你一定要堅信你們o既關係,記住唔好有太多猜測,咁樣只會傷害到彼此o既關係!
雖然我o既情況同你唔同,但我都好希望可以幫到你,或者你可以send e-mail俾我呀,我會盡量回答你o既問題!

2006-12-05 07:37:07 補充：
sorry~唔記得o左俾e-mail你,而家補返[email protected]

2006-12-05 15:42:49 補充：
雖然我唔係太了解日本人係點,但我想知你同女朋友係有乜野語言溝通呀?用語言溝通時都要注意一下,因為好可能因為語言問題而產生一d誤會.而且我覺得應該要多d了解對方o既生活文化,以防因文化唔同而產生一d問題呀.好似台灣咁呀,男友同我講我先知,台灣o既男仔係跟爸爸姓,而女兒則跟媽媽姓.另外已經出來做野,又未結婚o既人係新年都要俾利是家人,包括父母和弟妹.因不清楚日本人的生活環境,所以我只可以用自己o既經驗同返你講,希望多多少少都幫到你一d野啦!

異國戀點會係好難呢?係好煩就真。

你都話一齊拍拖,即是相戀係咪?

咁文化同生活方式已經唔係障礙,最重要係點就法、邊個就邊個。

就算同一個國家嘅人相戀,都會遇上相同問題,即是家庭文化和生活習慣嘅不同,每人都有個人缺點,不在一起,無法知悉,解决嘅辦法都係就來就去,就到啱,忍到盡,雙方才能白頭到老。

我嘅情况都可以係異國戀,講你聽。 我本身不是香港人,自小被父母送到香港接受教育,响香港畢業後工作,已經变咗９ｏ％香港人,點知父母介紹一個當地女子比我,初時見面,我嘅母語不太好,佢完全唔識廣東話,指手劃腳,面部表情搭夠,先至溝通到,我寫英文信,佢查字典半日都唔知我寫乜,佢又鬼咁長情,一個月飛嚟香港揾我一兩次,殊不知半年,廣東話都識講埋,原來係睇香港啲劇集,乜嘢上海灘、射鵰、網中人,咁就學識,講得幾乎好過我,啲劇集,我工作忙到一套都冇睇過。自此之後,交往容易咗,電話費比多咗,飛機搭多咗,但係去極都係一個地方,因為要探父母及女友。終於97前,父母急令回家,咁就辭工回歸,之後結婚。始終都係香港成長,初初唔習慣,都係用嗰一套 : 就來就去,就到啱,忍到盡。咪得囉,係好煩,不過做人就係咁煩架啦。

異國戀冇難嘅,係煩啲咁解囉,頂得順就去馬,頂唔順就收手,視乎你個人意智。

祝福你。

如果你們是相愛, 為何不可發展.
我有個朋友, 佢係ICQ結識一位日本男士,
相隔兩地, 二年間雙方飛來飛去見對方,
上年已結婚, 亦已移民到日本, 今年仲生埋BB.
不知幾幸福

我未試過~~但係我覺得肯定有一方會為另一方改變~~
如果大家都係愛對方的話~~有一方會為愛而改變吧