想知多D你在養魚時的心得! (20分)

要睇你養咩魚, 係海水魚, 淡水魚定係熱帶魚....
本人係養開金魚, 因貪佢夠平冇咁快死同唔咁多儀器
心得:
1. 個缸同魚既數目要合比例, 唔好太多魚迫埋係一個細細既缸度....
2. 有冇沙都冇問題, 不過有沙會美觀d
3. 唔好成日換水, 換水唔好全部換晒, 換1/3就夠, 要用隔夜水以減低氯氣含量
4. 要注意水溫 大約24-28度, 水溫太低d魚會冇咁活躍同好易有皮膚病
5. 要定期留意吓有冇寄生蟲, 使用瀘水裝置會減少寄生蟲痴住魚既身體, 瀘水裝置上d海棉用3層, 但唔使3層都清潔晒, 只須清潔最上層就夠.....因為如果3層都清潔會影響水入面既含菌量
6. 屋企一定要存有藥, 例如高猛酸鉀溶液/4環素/6霉素等抗生素, 我屋企就存有高猛酸鉀溶液同4環素, 係大陸買....因為d魚有時有病會冇咁精神, 有時佢地會撞傷, 我就會放1粒藥丸落d水度等佢地食, 大概浸足一日, 一個星期都有用一次.....唔使成日落藥....睇落d魚健康d
7. 餵食方面我只係一日餵一次, 每次餵好少, 日久之後當我一行近魚缸佢地就游埋黎, 好得意....
8. 要用個心去養....唔好當死左1條魚唔係咩回事, 要知道點解佢會死同埋要預防再多一條魚死.....咁養魚先可長久.....當你睇住條魚由魚毛長到大, 果種成功感真係好難形容俾你知
9. 多d睇吓書同上多d關於養魚既網頁, 吸收經驗....我都係由唔識學到識

覺得佢幾...........

養魚係高興的

1) 安裝 濾水器
2) 換水 要加 隔夜水
3) 冷天 要加 暖管---- 溫度要適中 否則 太熱 魚 要死
4)不要放 打魚 入去養
5)小心養 錦鯉 及 金魚
6)不要 餵太多 魚糧 ---- 多次 --- 小量