想知多ｄ養狗心得? (20分)

其實,養狗,我就唔稱得上有咩心得,只係我覺得你養得牠們便要視牠們係親人,要照顧牠們一生,在牠們有病痛的時候對牠們不離不棄!
我在今年六月收養了柴柴,牠是一隻黑毛史納沙!起初我好驚佢(因我當時怕狗),但相處得耐我就喜歡了牠,起初我都唔自覺自己已經喜歡上柴柴同唔再怕狗.但柴柴在今年十月走失左後,那四五天我跟本食唔落又唔想訓,成日打開門睇吓柴柴有無自己番左利?!又成日落街搵睇吓佢有無係樓下等緊我?
那幾天我連自己份工既野都唔想做(日日就係打比漁護署睇吓佢地有無替我搵到柴柴),重同我老公嘈左好多日,差點因為柴柴要同我老公離婚(因係我老公令柴柴走失)!好彩到左第四日漁護署已經替我搵番柴柴,重話我知柴柴走左入去深水埗警署入面,第二日比佢地接走左!我好開心即時去接番柴柴!
漁護署票控我兩條罪罰款二千幾蚊,但錢財身外物,最緊要係柴柴回來我身邊!但事情重未告一段落!
柴柴接左番利後,好像好驚時時要訓係我地床邊(這點我明白,因牠多日都在漁護署係會驚親柴柴,回到家自然會痴住我地!),接回來後的第二天清晨,牠突然嘔起來!先是嘔食左落肚的東西,其後就嘔些黃色的泡!我即時上YAHOO知識問點解有咁既情況?有綱友回答左可能是在漁護署打左個支針既關係!我先無咁擔心,但我仍然訓吓醒吓咁睇住柴柴!
第三日晚上牠提早了來月經,起初有些寵物店的人說狗狗走失時唔知有沒有比其他狗強姦過,叫我一個月後同柴柴去檢驗一吓!本來都是如寵物店的人所講一個月後帶柴柴去睇獸醫.
但一個禮拜後我同老公在柴柴身上發現有牛脾,我地就依照綱友提供的地址去荃灣搵那間獸醫診所的陳姓獸醫利睇柴柴!
睇左後起初葯物令柴柴好累,但現在柴柴已好番晒喇~就由那一刻我先知自己原來已不再怕狗狗,重好愛柴柴!
最近,我更在YAHOO 知識這裡替一名綱友收養了她六歲的澳洲種,金毛尋回犬,牠叫豆豆,是女仔呀!柴柴都是女仔呀~不過,柴柴在我收養牠前已生產過一胎!柴柴和我一樣成了"C拉"了!!
哈哈~~ \(^o^)/

2006-12-05 02:42:18 補充：
咁人家都講明是分享自己同狗狗的心路歷程,同心得.咁我都係分享自己與柴柴那些!

養狗好似養人仔咁
佢會知道你做咩, 講咩
識睇電視, 識聽音樂,
會分享你的喜悅.
對佢真心, 對佢好,
佢會更加對你真心..
絶對係一個好良伴^^

其實養狗同養小朋友差唔多，都係要有愛心，要有時間陪佢，要錫佢但唔可以寵壞佢~~~

幾cute嫁!!!

我雖然冇養過狗,但係我對狗既feel係牠是一種好聽話既動物!