尖沙咀酒店buffet自助餐(20pt)

Intercontienal Hotel

or Marco Polo Prince hotel

$100酒店自助餐大檢閱

[轉貼]$100酒店自助餐大檢閱

如有錯漏，請報料通知！

香港人喜歡到酒店食自助餐，無論是午餐、下午茶、晚餐抑或宵夜，均座無虛席。不過，近年持續經濟不景，自助餐的顧客人數也陸續減少。為了留住熟客和吸引新客，各酒店相繼推出低於$100的自助餐。雖然價錢平，食物質素仍保持一定水準，絕對讓你覺得物超所值！
東南亞風味濃郁咖喱薯仔
飲食業競爭激烈，食肆除了會以優惠價錢吸引食客外，亦喜以自助餐形式供應美食，如馬哥孛羅太子酒店的，特別為中午十二時才入座的上班族而設的午市自助餐。供應超過百款東南亞美食，亦不過$88位，超值抵食！
咖喱薯仔
咖喱味道不太辣，但香味濃郁，可用來送飯或烤餅，簡單得來又惹味。
印度烤魚及薄餅
烤得香噴噴的魚肉，質地結實，加入不同味道的醬汁，配以印度薄餅同吃，滋味又飽肚。
精選甜品
自助餐提供的甜品，有二十多款可供選擇，其中層層香甜的拿破崙紅豆綠茶蛋糕、酒味濃郁的拔蘭地忌廉、滑溜的芝麻布甸、經典的Tiramisu均受大家歡迎。
香味屋
地址：尖沙咀廣東道23號海港城馬哥孛羅太子酒店3樓 電話：2113 6046
時段優惠自助午餐供應時間：
12:00pm-1:00pm
收費：$88/位 (大小同價)
付款方法：現金及信用咭(大來、Visa、Master、AE)，設加一。
交通：尖沙咀地鐵站A出口
泊車：海運大廈停車場$19/hr
任食午餐野菌竹筒雲吞
午飯時間出外飲茶，淨叫點心實不化算，有見及此，位於尖沙咀香港文化中心的映月樓，近日推出$58任食午餐，提供數十款點心、飯麵、冷盤等，還可讓你由十一點半食到兩點半！
野菌竹筒雲吞籠仔鱔片飯
將日本菇及鮮冬菇等菌類與雲吞同放入竹筒燉製，讓食物帶有獨特的竹筒香味，野菌更可使湯水又滑又甜，滋補養顏。而籠仔鱔片飯採用來自台灣的白鱔，味道較甜，肉質較滑，以豉汁蒸製，十分惹味。
瑤柱灌湯餃
灌湯餃有如掌心般大小，大隻又足料，湯水味道鮮甜，是午餐時段必食的首選。
水晶鮮蝦餃
醬鹵蹄片
蝦餃皮不厚，餡料十足，鮮蝦質感爽脆，一啖一個剛剛好。而醬鹵蹄片的燻蹄，以鹵水汁炆製，味道較一般白切燻蹄濃郁。
映月樓
地址：尖沙咀香港文化中心餐廳大樓1樓
電話：2722 0932
任食午餐供應時間：
星期一至五：11:30am-2:30pm
收費：$58/位(已包茶介，兩位起，大小同價)
付款方法：現金及信用咭，設加一。
交通：尖沙咀地鐵站C1出口
泊車：海運大廈停車場$19/hr
西式午餐白麵包三文治
女士們愛Keep Fit，午餐時段喜以簡單又美味的食物為主。為此日航酒店便推出$88三文治自助午餐，供應的麵包種類多達十幾款，餡料則有煙三文魚、黑椒牛肉、蜜糖火腿等，讓你自由配搭，加上鮮榨果汁、餐湯、甜品等無限量供應，實在是健康午餐的首選。
大亨三文治
用白麵包做的大亨三文治，餡料有鹹牛肉碎及蛋白，鹹牛肉味道帶鹹，蛋白夠滑溜，脂肪含量低，十分健康。
甜品檯供應多款甜品，包括各式慕絲、蛋糕、新鮮水果等，十分豐富。
鮮雞肉三文治
將用作海南雞飯的靚雞肉灼熟，配合生菜、番茄等配料，夾在全麥包中即可，雞肉夠滑，口味清淡。
雅樂吧
地址：尖沙咀麼地道72號日航酒店大堂
電話：2313 4210
三文治自助午餐供應時間： 12:00pm-2:30pm
收費：$88/位 (大小同價)
付款方法：現金及信用咭，設加一。
交通：尖沙咀地鐵站D2出口
泊車：安達中心停車場$22/hr
矜貴下午茶象拔蚌沙律
不少人以為下午茶自助餐只供應蛋糕、小食，並不抵食。其實下午茶都可以食得好High，如今次介紹君怡酒店的Tea Buffet，以有鮑魚、象拔蚌、鮮蟹等貴價用料製作精美小食，更有多款即場精製熱食，價錢一百元有找，淨食海鮮都回本！
象拔蚌香芒沙律
爽甜的象拔蚌，配以香濃芒果製成的沙律，甜甜酸酸的味道，最適合夏季享用，令人胃口大增。
美國婆參鮑魚香麻沙律
來自美國的婆參，薄身爽脆，鮑魚味道甜美，加入香口麻油、香茜、紅椒等製成的沙律，清爽開胃。
即製梳乎厘
疏乎厘的味道選擇多多，有朱古力、檸檬、橙、西柚、咖啡等，個個焗得鬆軟滑溜，入口即溶，香味四溢。
Coffee House
地址：尖沙咀金巴利道28號君怡酒店大堂
電話：2723 3888 Ext.248
下午茶自助餐供應時間：
星期六、日及公眾假期：3:15pm-5:15pm
收費：成人$95 小童$65
付款方法：現金及信用咭，設加一。
交通：尖沙咀地鐵站B2出口
泊車：美麗華大廈停車場$25/hr
半自助晚餐送雞汁鮑魚
對半自助晚餐情有獨鍾的你，一定要到美麗華商場的麗美華咖啡閣，試一試最近推出的半自助晚餐。除了可以優惠價$98，享用源源不絕的沙律、餐湯、雪糕及新鮮生果名，還有八款特色主菜任選，每位顧客更可免費享用原隻雞汁鮑魚乙客！
澳洲香草羊架 $138
來自澳洲的羊架，加入香草同焗，藉此辟去羊肉的羶味。羊架肉質幼嫩，口感不油不膩，是晚餐的首選。
費城烤雞扒 $98
經過烤炸的雞扒，肉汁仍然豐富，配以甜甜酸酸的醬汁同吃，十分醒胃。
雞汁鮑魚特色沙律
半自助晚餐提供多款沙律、生果、雪糕可供選擇，多吃亦不滯。
麗美華咖啡閣
地址：尖沙咀彌敦道132號美麗華商場1樓
電話：2736 0098
半自助晚餐供應時間：6:30pm-10:00pm
收費：$98起/位 (大小同價)
付款方法：現金及信用咭，設加一。
交通：尖沙咀地鐵站B出口
泊車：美麗華商場停車場$15-25/hr
西式晚餐紅酒燴牛尾
想同三五知己大吃大喝一餐，但又怕晚餐時間排隊等位的話，不妨到尖沙咀百樂酒店Coffee Shop享受廉價物美的自助晚餐。這裏提供冷盤、熱盤、甜品、沙律等美食，合共超過30多款，味道不俗，打破「平冇好」的定律！
紅酒燴牛尾
這道菜以香醇的法國紅酒，加入肉汁豐富的牛尾中，伴以紅蘿蔔、磨菇、洋蔥等配料同燴，口感一流。
法式焗田螺 將濃郁的牛油蒜茸融入田螺中，配以軟滑的薯茸同焗，香噴噴的味道，令人欲罷不能。
意大利芝士餅
伴有生果配襯的意大利芝士餅，酒味比較清淡，質地柔軟，入口即溶的感覺，令人胃口大開。
Coffee Shop
地址：尖沙咀漆咸道南61-65號百樂酒店地下
電話：2366 1371
自助晚餐供應時間及收費：
星期一至四：
6:30pm-9:45pm，$95/位(再8折，大小同價)
星期五、六、日及公眾假期：
6:30pm-9:45pm，$105/位(再8折，大小同價)
付款方法：現金及信用咭，設加一。
交通：尖沙咀地鐵站B出口
泊車：安達中心停車場$15-$22/hr
甜品宵夜朱古力忌廉蛋糕
鍾意甜品的你，一定會喜歡九龍凱悅酒店Nathans Restaurant and Bar提供的甜品宵夜自助餐。這裏提供超過30款美味甜品外，大廚還會定期炮製多款可口的熱食，價錢都不過$98，定可滿足你的口腹之慾。
朱古力忌廉蛋糕
以比利時優質朱古力製成的朱古力蛋糕，中間一層軟滑的鮮朱古力忌廉，配以純朱古力外層，口感甜美豐富。
南瓜吉士串燒丸子
先在麻蓉湯圓上塗一層薄薄的糖水及日本醬油，再串起來燒，味道鹹鹹甜甜。而鮮橙色的南瓜吉士，充滿濃郁的南瓜味，口感似布甸，吃多又不覺滯。
青甘寧雪芳批
以蛋白製成的蛋白脆，配上酥皮及青甘寧，口感鬆化，又帶酸酸甜甜，十分開胃。
Nathans Restaurant and Bar
地址：尖沙咀彌敦道67號凱悅酒店2樓
電話：2311 1234 內線 2308
甜品宵夜自助餐供應時間收及收費：
星期日至四及公眾假期：9:00pm-11:30pm，
$98/位 (大小同價)
星期五、六及公眾假期前夕：9:00pm-11:30pm，$108/位 (大小同價)
付款方法：現金及信用咭，設加一。
交通：尖沙咀地鐵站C出口
泊車：首3小時$30/hr，第4小時起$10/hr。
超抵食泰式鳳爪拼海蜇
經過一天的忙碌工作，最可以食一餐豐富的晚餐慰勞自己。逸東酒店的普慶餐廳的自助晚餐，便供應數十款不同種類的美食，包括熱盤、冷盤、蛋糕、甜品、沙律、粥品等，價錢亦只是$76，實在抵食。
泰式酸辣鳳爪拼海蜇
去骨鳳爪充分吸收酸辣汁料的味道，海蜇彈牙又爽口，使整道菜的味道帶酸辣，有開胃之效。
煎蘿白糕
炸腐皮卷
腐皮卷的餡料有鮮蝦、肉絲、西芹等，炸過後外層變得香脆，肉汁豐富，味道清淡。蘿白糕則煎至外層變金黃色，內裏仍軟棉棉，口感香脆。
普慶餐廳
地址：九龍彌敦道380號逸東酒店1樓
電話：2710 1862
自助晚餐供應時間：10:00pm-12:30pm
收費：$76/位 (大小同價)
付款方法：現金及信用咭，設加一。
交通：油麻地地鐵站C出口
泊車：油麻地停車場大廈$16-$20/hr

洲際酒店港畔餐廳

尖沙咀梳士巴利道18號洲際酒店下層 2721-1211

佢地既食物真係好好味..當中必食既係佢地既凍盤海鮮啦..佢地既海鮮款式都幾多

選擇, 生蠔都有3款; 龍蝦有2款, 其他如凍蟹, 長腳蟹; 凍蝦, 青口, 螺等全部都好鮮味,

不過生蠔唔算肥美...刺身款式都幾多下, 除三文魚仲有赤背, 帶子, 有D唔知名既魚

啦同樣大大件夠新鮮....沙律就一般可以不食都無咩所謂; 熱食方面佢地都用貴價材

料有魚翅, 竹生, 花膠都唔錯架其他菜式就一般啦...甜品就最正有各款不同既CAKE

好正好有水準, 仲有周不時轉下款式口味; 雪糕仲有多款口味上次試過有款雪葩真係

一試難忘.....服務當然有水準啦, 加上佢地REFILL食物都好快, 所以唔怕無咩野食

至於有咩禮儀呀, 其實都無咩特別啦去食餐飯開開心心咪得啦...唔好因為係洲際先

要注意禮儀啦...基本上我覺得太"區緊"咪仲唔自然唔舒服, RELAX同ENJOY這一餐

咁豐富美味既BUFFET啦..

~~~~~~~~~~仕德福山景酒店~~~~~~~~~~~
我去過響天文台道既仕德福山景酒店, 價錢相當經濟, 自助晚餐每人$149 已連加一(10月個price), 都唔駛$200, 環境都ok, 野食響呢個價錢既dinner buffet黎講都幾好架!! 有: 三文魚刺身, 生蠔, 田螺, 凍蟹, 炸天婦羅, 沙津 .... 甜品有: pancakes (4款味選擇), cheese cake, 糖不甩 , 煎堆仔, 布甸, 啫哩糖, 雪糕等等 ... 都算豐富掛 ... 記得訂位 (window seat比較好坐), 因為平時都好full ...

仕德福山景酒店
地址: 九龍尖沙咀天文台道13 - 17號
訂座及查詢: 2313 7024
價錢:
自助午餐: 每日中午十二時至下午二時三十分
下午茶自助餐: 星期六、日及公眾假期下午三時至五時
自助晚餐每晚上六時三十分至九時三十分