去歐美出差有咩要注意?

總括來說，個人有以下經驗︰

1. 因為電壓不同，要去之前 check 清楚o的火牛、電器等東西能否使用。
2. 因電器插頭不同，都要 check 清楚
3. 如有香港車牌可以拿定一個國際牌，不過睇你去幾耐先知有無用。
4. 天氣跟香港非常不同，最好上網加問人 check 下
5. 帶定兩三個杯面都無死o既.... 冇o野食起上呢都有小小後備
6. 唱錢呢o的唔洗講啦.... ~_~
7. check 下邊張 credit card 國外簽脹手續費最平.... 唔好益銀行...
8. 一定要帶牙刷、拖鞋等私人用品... 因為外國好多酒店無呢o的野。
9. 如冬天出差的話要留意衣著。因為外國地方室外凍，室內熱(因為有暖氣)，所以我個人會著一件好暖好暖o既外套，入面會著少o的... 不過呢樣 個個人唔同... 只作參考
10. 睇定有o的乜買.... 因為唔買o的o野比自己同情人點都唔得...
11. 如多過一兩個 weekend 就要睇定多o的有關旅遊o既 web site... 如果唔係真係會好悶 ka.
12. 一定要帶 face cream等.... 因為真係好乾....
13. 如果去o既時間耐，要同情人/家人/小朋友 keep 住聯絡同見面就要一齊學用 skype... 重要帶個 cam 去... 咁就可以又見面又傾計啦。
14. 個人對抗時差 (12小時不同的地方) 是去之前勁玩通頂，上到機唔食飛機餐/食完飛機餐就係咁 sleep... 去到就無乜時差。不過方法因人而異... 唔係個個得。
15. 一定要買個飛機頸枕，有用。
16. 係飛機最好換涼鞋/拖鞋... 咁隻腳會舒服好多。

係咁上下先啦...