✔ 最佳答案
如果你係澳洲公民或居民,我覺得你最好返來澳洲生!
呢度的醫院真係好好,醫生護士勁有愛心!!公立都係兩個媽媽一間房!
無月子中心,不過生完你回家後第二日會有助產士探你,幫你睇下bb,同檢查你個傷口,教下你點照顅bb,仲關心你有無產後抑屈,如果你好唔掂佢會探多你幾次,
之後你住嗰區的健康院又會有護士探你一次,叫你以後定期帶bb去健康院檢查,好關心你架!
中藥材就買唔到咁多,因為根本入唔到境,你就算帶都可能會被沒收,澳洲海關好嚴架!
我住墨爾本,係澳洲公民,所以係公立醫院生仔唔需要俾錢,產前一切檢查同照超聲波及以上服務都係免費,政府鼓勵生bb嘛!政府仲送四千蚊澳元添!
不過無身份就超貴,又無福利架!!!澳洲海關都唔俾你入境啦,唔係香港咁架!
同埋响度生言語不通會好麻煩,你英文得唔得?要溝通到架!我生完同我同房個中國女人要我同佢做番譯,我真係有時要休息都幫唔到佢,佢都幾慘!