如何將菲林數碼化

我個人覺得有幾種做法：

(1) 出去相鋪 scan: 同快圖美差不多，點都要１０幾廿蚊一筒，其實呢個方法已經唔算貴，而且最慳時間。

(2) 用數碼相機同 loupe 自己影張菲林：但係好難整得靚，要時間和練習。而且你要有部質素唔錯的數碼單反機。

(3) 自己買 film scanner：買一部 film scanner（唔係平日scan普通文件或相片的燈箱scanner），最平大約四千幾五千蚊。

(4) 自己買一部普通scanner: 有一些普通燈箱scanner，會有菲林夾（less than 一千蚊都有）。如果你純粹想方便管理d相質素幾好，scan 相的解像度唔需要太高，呢個方法最平，但最花時間，scan 一格菲林可能要十幾分鐘。

我也有少少補充

我本身也是開相舖的, 我們也曾經用幾千元買了一部nikon的專業級film scaner, 但scan出來的效果, 和用富士魔術手的scaner做出來的, 仍有很大差別, 更不用說普通的平面scaner, 所以最後都是買了富士魔術手數碼沖印機, 你要scan一百六十筒菲林, 應該可以講一下價, 拿折扣

補充king的回答、自己買Scaner當然是較平,且做完自己多部Scaner,確實是最佳方法。
但做法太費時、比Shop做大約十到廿元一筒、質素應比你平台Scaner的高、在Mon睇分別不大,出去晒相應該Shop做靚D,因為Shop用的多數是用連沖印機一體的Scaner.
我本人幫襯過激光沖印Scan、質素可放大到8x12吋,且同用菲林晒一樣、話晒人地部機都要一百幾十萬、點會差過幾千元的Scaner?

補充上面位人兄的答案
1)出面相鋪做digital要注意，十多元scan一筒，通常只夠曬番4R的相，如果你想曬大D，一定貴，隨時二三十一筒
2)這個是高難度及最費時費心機的方法，你話有百六筒菲林，一張一張影最少都要影五千幾次，何況又唔知你有冇DSLR
3)film scanner要幾千銀，budget唔夠唔駛諗，除非專業用家，如果唔係冇必要用到佢
4)有燈箱的普通scanner，同你出去相鋪做digital差唔多價錢。首先講壞處---要自己scan，好處----可以控制你想scan的解象度，除塵(通常相鋪唔會幫你做埋)，同埋你屋企會多左部scanner用，也是最平的一個選擇。建議型號HP Scanjet 4890，原因(平靚正)一千五至一千六度，我自己用左兩個多月，依家可能仲平D，質素好過相鋪做digitalize