對澳洲的感覺,簡單便可

我而家O係澳洲住緊， 感覺好差， 因為：
1 天氣
冬天鬼咁凍， 有暖氣都算喇， 最攞命係夏天又咁熱， 吹火風不特止， 又多烏蠅， D烏繩仲要撥極都唔走， 死要纏住你

2 人格
唔好以為鬼佬好易滿足， 待人有善， 實情係個個都帶住笑騎騎O既假面具做人， 而做SALES O既係當中佼佼者， 當客人付款後仲同佢HAVE A GOOD DAY， 當個客人一出門口個SALES就會即刻佢同事一齊係個客人背後講佢事非， 講幾句本來都算係人之常情， 之不過O係澳洲， 其激烈情度特別犀利

3 飲食
鬼佬野唔係煎就炸， 而CHINA TOWN D野， 我O係屋企都煮到啦

4 設施
D商場鬼咁早就關門， D人放學放工之後想行街輕鬆都冇， 下午6點後奉旨死城（除左CHINA TOWN）。 仲有， 有個商場堪稱全南半球最大O既商場， 商店數目有幾百間， 之不過呢幾百間商店， 就以賣衫為例， 產品款式大部份都類似， 甚至相同， 加加埋埋衫O既款式只有10種。 行晒呢個商場所有賣衫O既商店（大約200間）， 同O係又一城是但行一間賣衫O既商店， 根本冇分別， 款式種類甚至更少。