狗仔點養先好呢??~~

首先你要知你有幾多BUDGET, 另外自已每月有無一千蚊到係FOR狗狗日常開支, 屋企比唔比養, 家人有無敏感, 自己每日有無六個鐘去陪佢先? 有無耐性及愛心去教佢呀? 佢老左會唔會繼續養唔嫌棄佢呀?老左就唔可愛架喇! 佢有病你有無錢帶佢去睇醫生呀? 結婚將來既生活有無預埋佢架?生BB又點呀? 係咪當佢係一家人呀? 全部都想好無問題的話你可以養狗狗喇!

細種狗可以選擇八哥, 貴婦, 史立沙, 西施及北京等, 價錢係睇品種而定, 除貴婦外, 大約三至四千蚊到, 唔好貪平去勝利道或藝美買大陸狗, 慳埋睇醫生都唔止呢個數! 通常係PETSHOP買狗狗係要買埋包狗糧, 因為一時間你幫佢轉糧好易肚痾, 之後可以慢慢幫佢轉其他牌子, 其實最好自己整狗餐佢食, 如白飯, 烚肉及雜菜, 烚旦白等, 呢幾種野己好好營養, 分分鐘好過狗糧, 話晒你都唔知狗糧係用咩做, 同埋要記住狗狗係要食肉先有抵抗力, 而家既狗糧通常都無肉架喇, 因為要領狗狗痾既便便唔臭, 所以無加肉只加味粉, 人一樣食肉痾既屎都會臭D啦, 有咩可能D屎唔臭先得架!

其實你每日有幾小時陪佢玩佢已經好開心, 唔洗刻意諗咩同佢玩, 打下佢手手, 彈下佢額頭佢都好開心, 追下波仔, 同佢鬥下力, 已經令佢可以訓得好冧, 同埋要每日幫佢梳毛, 洗眼耳, 抹手腳, 一星期帶佢去街一次見下世面, 一個月要幫佢滴頸防蚤, 牛啤, 六個月大前要幫佢做防心絲虫, 每月杜虫, 大左後三個月杜一次! 你一養開你就知道要做咩架喇, 等你養左先再上黎問過啦

其實點解你唔去領養一隻狗狗，你知唔知Ｄ寵物店全都是Ｐ人的，領養一隻狗狗可以令狗房多一個位比令１隻狗狗，如果人人都去買一隻，Ｄ小孤兒就好唔快樂了，雖然不是什麼名種狗，但你去領養一隻狗狗比你去買一隻狗狗好呢！
我隻狗狗都是領養的！
領養一隻狗狗，＄平好多添，不要看小唐狗，因為我都是領養唐狗，細狗唔係唔好，不過，領養一隻狗狗＝做左善事，就唔好介意佢係甚麼品種吧！佢地真係很需要一個HOME的！

--------------------------------------------------------------------------------------------------

領養狗狗地方
http://www.hkpet.net/big5/adopt/

http://www.pet28.com/

http://www.hk-aac.com/

http://www.hkcaf.org/2005web/Ch/c_parentingwork.new.htm?action=load&uid=391

http://www.petpetplayland.com/topic.php?fid=9

http://hk.88db.jobsdb.com/hk//Views/showsearchresult.aspx?Q=&CatID=1027&SubCatID=1308

http://www.spca.org.hk/chi/adopt/homing.html

http://www.doggygarden.org/

http://www.spca.org.hk/

http://www.saa.org.hk/

食咩, 要睇佢幾大, 同係咩種類,
如果係一d室內狗, 食狗糧會好d, 細既(bb)就將狗餅用少少水浸淋俾佢食 (無咁硬), 大d既可以食罐頭狗糧, 均衡一點

玩呢, 細狗都好, 最好每日同佢落街行下, 又可以同佢去公園玩下拋波.
係屋企, 就可以同佢玩下角力, 一邊人一邊狗咁兩邊搶繩, 可以練下佢既腳力.

p.s. 如果要買狗, 不如去愛護動物協會或者d慈善機構度領養啦,
1. 可以平d (通常都係捐少少錢, 但一定平過買)
2. 可以俾一d無家可歸既狗重過新生
3. d狗唔會有病 (因為打哂針, 唔會買到病狗)

祝你同你的小狗有一個快樂既生活啦~~

養一隻狗？唔容易架
又唔知食咩,就問下店員,隻隻狗都有唔日嘅喜好,我個隻最like嘅小食係pizza味
唔知同佢玩咩,我就比隻公仔佢玩,我將隻公拋到大約四至五米,比佢去玩
要考慮清楚！唔用三鍾熱度！