淨搽base.需唔要要用御妝水洗返架？定係普通洗面奶洗都ok?

好多Base都加咗顏色, 就好似稀啲既粉底一樣; 又有一啲會加防曬, 而啲防曬通常都係化學成分; 另外又會加啲矽粒, 用嚟吸油, 或令皮膚更加順滑, 遮蓋細微瑕疵, 同埋更易上粉。
以上各樣雖然唔傷皮膚, 但對毛孔都係一個小小負擔, 故唔適宜留喺皮膚上太長時間。
但要洗淨個base, 又唔需要下下出動到卸妝油咁勁既嘢既..
若你用洗面奶, 因奶狀既洗面用品通常都話自己可以卸淡妝, 咁你齋用洗面奶已okay。
若用普通清潔功能既洗面用品, 未必可以洗到防水防曬base, 一係洗兩次, 然後隔兩三日做磨沙同每週做深層清潔; 再唔係去買啲卸妝用既濕紙巾, 預先拆開剪細塊啲, 然後放喺密封膠盒入面, 每次洗面前攞一小塊嚟抹一抹, 卸得乾淨啲又唔會太貴。

可以用bobbi brown的rich cream cleaner$200喔,我早上用bobbi的;有埋卸妝功能又潤,幾好ga.

我個人心認為搽 base 都要用卸妝水, 起碼比洗面奶卸得乾淨d。

如果你嘅洗面奶係乳酪狀,無泡又說明可以御妝嘅話, 咁就無問題, 只要之後用返有泡嘅潔面品再洗or用爽膚水加棉花仔細抹走洗面奶可能留低嘅殘跡就ok. 但如果你講嘅洗面奶係有泡個種嘅就唔得, 因為泡沫只可以洗淨油脂灰塵同汗, 落唔到妝, 咁就要用專為御妝而設嘅產品