養咸水魚的問題...

老闆梗係話得啦.你之前養過魚未？你知唔知要養好水先好放魚？尤其是咸水魚,鹽度比重,水溫,過濾,ph值都要控制,就算你乜都唔理,都起碼行吉缸一個星期先好放魚仔,而且係一兩條,唔好一次過放太多。你講下你有乜器材啦。
我而家都養緊水,準備開大缸,但缸還未到,所以在花園用兩個膠箱養水,先行淡水一星期,然後開鹽,落細菌水,又行一星期,先至去買幾條藍魔,前幾日再加幾條寶石,到而家成個月,我都唔使換水。
玩咸水魚,有排你學呀。

以下係我之前係度答網友,參考下啦：

『你養好水先養魚啦。
1. 水喉水有氯,不適合魚兒生活,要除氯,但最好不要加什麼除氯劑之類的東西,我個人覺得這都不是好東西；最好的方法是讓氯氣自然消散,將水留過夜已可除氯。
2. 然後就加入市面有售的硝化菌（個人認為那只是菌糧）到水中,開動濾水器，讓水流動，將空氣帶入水中，幫助細菌生長。
3. 這樣養水一至兩星期,期間作少量換水。
4. 買試劑回來測水，no2 , no3, ph 是我基本會測量的.如一切正常才是買魚的時候。

若不先養水,你只會經常到魚街買魚,與其浪費心機,時間,金錢,倒不如先花多些時間在前面.』