請問沙灘的沙是土壤還是風化殼?

到底沙係土壤還是風化殼可以由土壤同風化物既定義睇得出
沙灘 係風化物沉積既產品

風化物要經過成土過程先可以成為土壤
簡單黎講 成土過程首先係岩石風化
風化物碎屑經化學風化將風化物內既礦物晶格破壞
成為能夠被植物吸收既有效狀態
而先鋒植物(所需生長條件低)好似蕨類植物可以因此吸收養份生長
但係風化物依然未係土壤
最重要係先鋒植物枯萎 腐爛 變成腐殖質
腐殖質本身呈暗色 有黏性
可以將原有既風化物黏結 進一步豐富礦物晶格已受破壞既風化物營份
呢個時候先係土壤

點解沙唔係呢?
因為沙灘既沙主要組成成份係礦物-二氧化矽
理論上由於沙既形成係原有既岩石礦物都被完全風化帶走
沙既抗蝕力高 疏水力強 成份單一
欠缺其他組成礦物 唔會同水產生化學作用釋出養份
故此植物難以生長
換句話講 即係養份元素唔可以富積 冇//只有少量腐殖質
唔足以成為土壤 只係風化殼

解答有不足或不明白之處
請提供更具體作答要求//問題 以便再作補充