請問大家覺得有咩餸...((((最好唔好咁普通..要特別的))))

XO醬蒜芯炒豬頸肉：
材料：蒜芯2札、豬頸肉$10、XO醬2大匙、蒜蓉1大匙
預備：醃豬頸肉--生抽、老抽、日本麻油、加飯酒、糖、生粉//蒜芯洗好切好後飛水備用。
做法：先分別炒熟豬頸肉及蒜芯(蒜芯只是略炒)，另用蒜蓉及XO醬起穫，將豬頸肉及蒜芯回穫，兜勻即成~~


蛋白蝦仁青豆：
材料：蛋白、蝦仁、青豆
預備：青豆飛水//蝦仁洗淨抹乾，用胡椒粉、海鹽和麻油醃一下//蛋白打勻
做法：先將蝦仁炒熟，加入青豆再兜兩下，撈起放入己打勻的蛋白中//用油起穫(要多少少)，將所有材料放下，要超快手兜勻，蛋白半生熟即可撈起，如怕生，就炒多一陣啦
黑椒牛柳粒：
材料：牛柳粒約$25，靈芝菇一盒、蒜蓉1茶匙
預備：用生抽、老抽、日本麻油、加飯酒、糖、生粉先醃牛柳//靈芝菇去頭洗淨飛水
做法：蒜蓉起穫炒靈芝菇、下少少蠔油、少少糖、少少水兜勻，墊在碟底//另用油燒紅穫，下牛柳粒，炒至你自己喜歡的生熟度(切記炒牛肉、牛柳粒、煎牛扒牛柳，不要一放下便反黎反去)，炒好後放在靈芝菇上。
**唔鐘意靈芝菇可唔落或用其他代替，例如金菇、鮮冬菇等....甚至生菜也可，隨自己喜歡便可
蒜蓉牛油煎蝦：
材料：蝦、乾蔥頭、蔥、蒜蓉
預備：蝦煎鬚、乾蔥頭切細粒、蔥切細粒
醃蝦：胡椒粉、海鹽
做法：將蝦撲上少許生粉然後落煎pan煎至8成熟撈起，再以乾蔥粒、蔥粒及蒜蓉起穫爆香，將蝦回穫，下少少生抽、糖兜勻即成。
辣辣大蜆粉絲煲：
材料：大蜆十隻、細粉絲一包、京蔥一大條、蔥幾棵、清雞湯、七味粉(唔要辣可不要)
預備：大蜆灼至開口即撈起、粉絲浸軟、京蔥斜切、蔥切段
做法：煲滾少少水，下清雞湯，海鹽、日本麻油，再下蜆、京蔥、蔥、最後下粉絲，煲滾即熄火離爐，否則粉絲"林"晒唔會食~~
香茅雞扒：
材料：雞扒一塊、香茅一枝
預備：雞扒洗乾淨抹乾、香茅撕去表面約兩層，下半段切去不要，其餘切段或切粒。
醃雞扒：胡椒粉、生抽、老抽、日本麻油、加飯酒、糖、生粉、香茅
做法：用大火起穫，燒熱油、下雞扒，轉至小火慢慢煎熟即成~~可拌茄汁或酸甜雞醬同吃。
糖醋炆排骨：
材料：一字排、薑
調味料：胡椒粉、生抽、老抽、鎮江醋、冰糖、水
預備：1. 排骨洗乾淨 2. 薑切薄細片(如果吃的話，不吃的就拍扁就ok)
做法：燒熱煲仔，放下薑片(不用落油)，再放下排骨，略炒一會，跟手落埋所有調味料，水要蓋過排骨面，大滾後轉中火再慢慢炆。
注意落調味料時，一下子唔好落太多，因越煮會越濃，差唔多炆好時才試味，按自己口味調較啦~
我鐘意深色，同酸d，所以老抽同鎮江醋會比較落多少少......所以一定要自己試味呀~!!

鮑魚 mmmmm

1.芝士扒大蝦
2.炸0魚球
3.番茄牛肉煮旦

~既簡單又特別~

咕嚕肉
鮑魚