~_~點先可以多d接觸到這個女仔呀.....

從你以上所講，個女仔都幾重視佢既學業。佢上堂、去自修室温書都 set 震機，就係唔想受到騷擾。如果你成日打比佢，就只會令佢覺得你討厭，阻住佢。

重點問題: 溝通多些，同佢感情有進一步既發展。

首先你要做既，就係要了解佢既時間表。
即係幾時要去上堂，幾時要去邊到溫書，幾時比較得閒 .....
因為你要避免係佢最唔得閒果陣煩到佢，令佢對你既印象大打折扣。

然後就係用唔同既途徑去接觸到佢，咁至可以了解佢多些，亦都比機會佢去了解你多些。
聯絡人既途徑有以下幾種:
1. 電話 ( 最直接搵到對方，但要係適當既時候用 )
2. 電郵 ( 通常每日都會check，都算唔錯既方法 )
3. SMS ( 最直接令對方知道你所想，都算快既方法 )
4. 書信 ( 比較特別既方法，但需時比較長 )
5. ICQ, MSN ( 最普遍既方法，但要對方 online至睇到 )
6. 走去搵佢 ( 最直接搵到對方，但必須要知到佢果段時間得閒 )

PS. 就你以上既情況，電話, ICQ MSN, 走去搵佢 都唔可行 ....
電話 - 佢上堂溫書較震機，聽唔到
ICQ MSN - 少 online
走去搵佢 - 但你要 confirm 佢果段時係得閒

剩下既三個方法都可以一試 !!!!
1. 電郵 - 通常每日都check，但都有些人唔係成日check ....
我估你起碼知道佢 msn 既email address (但未必係佢最常用既 email)
你要知道佢邊個email address係最常用

2. 書信 - 首要就係你要知道佢既地址，你沒有透露你同佢既關係是怎樣 ?
普通朋友 定係 好好既知心朋友 .... 佢有無話過比你知 ?

3. SMS - 最好既方法。你要透過lee個方法，同佢接觸多些。

我既建議:
起碼佢長假期果陣都會接受你既約會，咁你就要把握lee d 日子同佢溝通多d，
平時就用下SMS 關心下佢，等佢feel到你都重視佢。至於打電話比佢，
你就真係要了解一下，佢邊段時間可以得閒同你傾計，盡量唔好令佢覺得你煩。
要感情有所進展，係唔可以急。就快聖誕節，你要把握一下機會約佢出黎。

good luck ^_^

你有冇佢既msn呀？同佢chat la, 咁佢在家也可以同你傾, 而且send多d sms俾佢la, 就算佢聽唔到你既電話, 同知你既存在ar ma。