我幾時會收到呀?

你話你嗰樣嘢星期四寄出，咁如果平郵嘅話(普通size嘅郵件)就應該喺星期五或六收到該件物件(因為要視乎寄件者喺星期四嘅早上定夜晚寄出)，咁樣你就可以喺星期日前收到嘅。

但…如果嗰樣嘢係大件嘅話(例如﹕大過你屋企郵箱嘅入口，令郵差無法將郵件放入信箱嘅話)，你就會收到張通知咭，如果係咁嘅話，應該會喺星期六或星期一先可以收到領取郵件通知咭，而收到呢一張通知咭後，要該日嘅下午先可以開始領取郵件…咁星期六郵局係開半日嘅，者係要到星期一先可以攞啦！所以你咁嘅情況下係唔可能星期日前收到郵件。

如果係掛號嘅話，都係要兩日後先會有郵差送到你屋企，同埋如果你屋企咁啱無人嘅話，郵差係會留抵一張領取郵件通知咭，到時你要連同身份證明文件去領取郵件…

你要問吓你嗰賣家係用咩方式寄同埋係星期四幾時寄出…

所以，都係要視乎你件嘢有幾大同用咩方式寄。平郵嘅要星期日前就無問

2006-12-01 09:33:19 補充：
如果係朝九點幾寄係用平郵而件嘢又唔係話好大嘅話，咁今日下午係會收嘅…如果係大件嘢就會好似我上面所講咁啦，先收到通知咭…

2006-12-01 10:08:43 補充：
如果賣家佢話上網check過你星期五下午會收到張領郵件咭，咁你一定可以喺星期日前攞到啦！假如你係喺中午送信嗰個時段收到嘅話，咁你就可以喺下午兩點幾嗰陣攞，如果係下午(即傍晚五六點嗰個時段)收嘅話，就可以喺星期六攞啦！不過，我個人經歷係要係賣家寄出後最快兩日先收到通知信(大件郵件)，就未試過一日咁快收到通知信，可能每個地區嘅郵政服務嘅效率唔同…

2006-12-01 18:21:02 補充：
咁你今日下午第二次派信嗰陣收唔收到領取郵件嘅通知咭？如果你今日收到張通知咭，咁你聽日可以拎住張咭去指定郵局攞啦！如果…你仲未收到…咁你就真係要星期一先可以攞啦！

2006-12-01 18:32:27 補充：
如果你星期六先收到嘅話，都可以搏吓嘅…但係，因為我未試過星期六收到咭跟住就即刻去攞信件，所以我都唔知攞唔攞到…你到時睇吓張咭寫住幾時可以攞啦！

2006-12-01 18:32:42 補充：
同埋，你知唔知你嗰大廈派信嘅大約時間(星期六)，你要睇吓趕唔趕得切去拎張咭去攞信每個地區嘅郵局辦公時間，通常都係 上午九時三十分至下午一時 (六) 上午九時三十分至下午五時 (一至五)詳情可以去呢個網度睇http://www.hongkongpost.com/chi/locations/branch/index.htm

首先要知道你個墳家在那裡, 還有佢用什麼方法寄給你. 如在香港, 一般包裹可以在兩天內收到, 但若是外國或中國內地, 經郵局的普通航空郵包, 要一星期至二星期才收到,
不過, 如果佢用郵局的快遞服務或用其他快遞公司, 則應該於兩天內收到, 這樣計算, 星期六便會收到, 但只限於大型快遞公司, 你可以叫賣家問一吓快遞公司, 包裹會幾時到. 另外, 當佢在快遞公司寄出包裹後, 叫佢比快遞公司的 reference No.及香港聯絡電話, 你便可以打電話去追問快遞公司及約時間收貨

我想賣家應該會用快遞寄出, 否則, 你不可能在星期日前收到