✔ 最佳答案
問題1:我想問下邊間銀行開左股票戶口後,最快賣出手上的實股
如果你係銀行開戶口,又要係銀行排隊賣,間間都耐。不過,如果用網上銀行,就間間都快,因為佢地是直接落聯交所,不用再經人手。我就用開中銀,都唔錯,最緊要是平d佣(0.15%)。
問題2:我想問下銀行賣你的實股如果真係要時間先賣得出,會以你講話賣股票時的價位賣,還是銀行第幾日幫你賣到股票的價位呢?
如果你是在銀行分行排隊,排到你時,個價可能已經唔同了。
另外你所講的「實股」,則是表示你手上持有張股票﹖咁樣你拿去銀行存入,之後佢地要check 10個工作天才可以沽出的。而不是你一存入就立即同你賣。
如果你賣的價不是market價,佢地當日會同你排隊,不過,如果當日唔到價,有d銀行可以幫你排3日,在3日內去到你落的價都會成交的,唔到當然成交唔到啦!又有d銀行只會同你排當日,當日做唔到,你第2日就要再打電話去 or 再去分行排隊排。
問題3:我想問下開左股票戶口後,一定要有錢係戶口,如果有,最少幾多錢呢?
銀行是一定要你買幾多就要有幾多。股票行就可以t+2(則是買入當日再加2個交易日,比如星期三買,星期五就要入錢)。
如果是賣出,當然就唔需要你戶口有錢啦!亦都是t+2才會入錢入你的指定戶口。