見工不成..可否問老闆拿回車錢..他們會不會比番我..又或者會有什麼反應

💰 財經台其他 - 事業及求職

[匿名]

2006-11-30 10:46 pm

as tittle

更新1:

朋友, 將心比己, 假如你自己係老闆, 一個人黎見工, 花時間見佢, 但係唔啱公司用, 之後個條友重要問你攞車錢, 你比d咩野反應佢呀... 我會問佢你係咪經濟上出問題呀..見你都好有成意..嗯...比舊水你食飯.

回答 (12)

[匿名]

2006-12-01 8:35 pm

✔ 最佳答案

你可以試下...... 應該都唔會俾你，不過我試過見完工，
個老闆俾左一百蚊我搭車....... 感覺好.... 奇怪

👍 0 👎 0

用戶99380

2006-12-02 7:43 am

你以為你自己係明星呀?

👍 0 👎 0

Ling Ling

2006-11-30 11:34 pm

如果我係老細，個個黎見工都問我要$，咁我咪好唔得閒？

👍 0 👎 0

karen

2006-11-30 11:18 pm

如果佢俾番錢你, 可能社會大亂:
醫病不成, 無好番, 醫生係咪要俾番診金比你?
贏錢不成, 買六合彩唔中, 馬會係咪要俾番投注的錢比你?
美顏不成, 做完facial皮膚無靚左, 美容院係咪要俾番錢你?
傳宗接代不成, 結左婚老婆無仔生, 外家係咪要俾番d禮金比你?

👍 0 👎 0

Mei Mei

2006-11-30 11:08 pm

我做出來社會二十年
做過10幾份工 (有D做左一兩日就走人)
大大話話都見過100份工以上
我都從無諗過問番老闆拿番車錢

1. 係你求職, 寫信去應徵, 人地先見你, 係你主動先, 人地唔係係電話簿度搵到你地址打電話叫你去見喎, 難聽講一句, 係你送上門

2. 如果你覺得遠, 人家唔請你, 你就覺得會晒車錢, 係人家通知你見工時, 你已經知道地址, 你未去之前, 你明知遠, 你有權唔去

3. 你可以揀D唔駛搭車的公司見工

4. 你可以揀D唔駛搭車, 剩係行路都到的公司先寫信去應徵

5. 假設你住尖沙咀, 你要去官塘見工, 你可以早好多出門口, 例如早幾個鐘頭前, 由尖沙咀行路去官塘見工, 無人叫你搭車 (當然好少人會咁做), 以前霍英東先生都係由香港東行路去中環, 搭船過海去尖沙咀, 再由尖沙咀行路去舊機場返工 (聽聞), 佢為左省錢, 就只係用左幾毫子搭船咋, 你唔怕行得辛苦, 真係可以學下霍生

老闆可能會用上述理由反駁你

仲有, 有D老闆當初真係無諗過請你, 但可能佢請左的人做左幾日唔做, 個老闆會番兜請你, 我個FRIEND都係咁, 佢去一間大公司見工, 當初人地無請佢, 後來佢等左一個月 (係未搵到工, 唔係等呢間公司), 呢間公司終於請左佢, 而家佢係呢間公司做左10幾年, 如果你見人地唔請你就問人攞番車錢, 分分鐘人地想番兜請你, 都唔會再考慮你, 你豈不是又唔見多一個機會!? 唔好為左幾蚊或者10幾蚊, 毀左個機會

你可以再想下, 如果你係老闆, 唔請一個人, 但對方反問你攞番車錢, 咁你又會點回應佢?
(將心比己)

如果你唔信我地講, 可以真係試下問老闆攞番車錢, 你睇下佢又點答你
唔該你到時話番俾我地知喎, 因為連我自己都好想知D老闆會點回應
(我自己本人就唔會試)

👍 0 👎 0

Vincent

2006-11-30 10:55 pm

朋友, 將心比己, 假如你自己係老闆, 一個人黎見工, 花時間見佢, 但係唔啱公司用, 之後個條友重要問你攞車錢, 你比d咩野反應佢呀...

諗野要兩面睇呀! 哥仔!

參考: 自己

👍 0 👎 0

2006-11-30 10:52 pm

可以, 但人地唔會理您囉...

您寫信見工, 人地比個機會見您, 結果雖然唔得, 但係您自願去的嘛, 佢冇迫您去見佢的...

唔通人地話請您, 而您唔做時, 人地又問您拎返見面費?

您下次見工前, 問下人地會唔會比返車錢您先, 我相信對方會叫您唔駛去了...

咩反應? 可能會笑, 可能會嬲, 但基本上都會拒絕您囉...

👍 0 👎 0

NoNo

2006-11-30 10:51 pm

下下下......
假設你投寄履歷表到某公司應徵，但他們沒有聘用你，你可否問該機構取回郵資呢?

2006-11-30 14:54:28 補充：
即使他們錄用你，也不會給予見工時的車資啦~更可況佢地都無請你

👍 0 👎 0

2006-11-30 10:50 pm

我覺得唔可以問佢拎車錢...因為佢都未請你，點解要俾返車錢你呀?
我之前見10幾份都冇啦~如果有得拎返車錢佢咪好唔得閒...執笠啦>v<
反應就可能會叫你坐一陣先，等一等，跟住打去青山捉你走~~wakaka

參考: 我既意見

👍 0 👎 0