有哪些行山路線是比較人多及安全呢?

我自己親身經驗過比較多人既行山地點。

1.西貢：麥理浩徑由第1至第3段都比較多人行。
特別由西灣亭到北潭凹個段，多人程度有時好似行100m就見到幾個至幾十人。(又多士多)
仲有浪茄到東、西霸都多人，又安全。

2.大埔：九龍坑山 - 沙羅洞 - 鳳園 / 流水響。
因為條路唔算難行，好多住大埔既居民都會去行、我成日都到D師奶都會行既。

3.荃灣：城門郊野公園 。
因為風景好正、又唔算辛苦，都係好多人去。

4.大埔：烏蛟騰 - 荔枝園 - 鹿脛。
條路又唔難行、又有士多同客家村，又有景點(野食都可以唔使帶)。

5.大埔：梧桐塞。
條路有景點，路易行。

以上路線以(星期六、日)計為最多人。

相信除左水塘區之內較多人,無再有邊到行山多人
你都大約想到,並唔係每一條山路,每一個星期日都一定有人前往,就算再熱門路線,都會有機會某個假日無人選擇的可能,只會在熱門路線上,遇著另有人前往的機會較大,但卻不盡然言
安全上,四大遠足徑可以算是最安全,路已開好,有詳細的資料及地圖,甚至有標距柱或退出路線可選擇,而且路本身並不太難行,並沒有危險或崎嶇地帶,可算是初學者最多的選擇
又或者正是你所期望的比較人多及安全路線
四大遠足徑:麥理浩徑,衛奕信徑,港島徑,鳳凰徑
(詳細資料,在漁護處網頁或各大行山網站都有)