我的貓很．．．．．

我養咗貓廿幾年，希望可以幫到你︰

有人話名種貓例如波斯唔怕沖涼，家貓先至怕。我唔知閣下果隻係咩貓，不過多餘既。我養過有D貓天生好怕水，點都唔駛旨意同到佢沖涼，有D就好怕風筒聲，沖到涼都吹唔到毛，抹身抹足成粒鐘，好慘！！怕唔怕水呢D似乎係天生既，幾乎無得勉強。貓比較自我，你養狗可以當佢係寵物，但養貓佢只會係你朋友，大家平起平坐咁高咁大，勉強佢就大家辛苦啦。我建議你去寵物店買D乾洗粉同貓貓沖涼，唔駛濕水，塗完全身（頭除外）後用手捽勻再用梳梳乾爽就OK勒，佢又唔駛咁驚，又有得歎按摩，又可以藉此聯絡感情。

刷牙都係一樣啦。我養過有D貓好鍾意動物牙膏，搞到偷食咁滯，有D憎到死，咪駛旨意依起佢哋棚牙。其實就算唔刷牙，問題都唔係咁大，我有D貓養咗超過廿年，成世貓未刷過牙，咁老副牙仲幾靚。貓壞牙較多同糧食有關，尤其成日食濕糧就容易牙肉發炎。你俾多D乾糧佢食，間唔中先俾濕糧就問題唔大勒。

貓貓性格因人而異，不過好多都鍾意人抱，我養過好多貓鍾意同我瞓，仲識爭位同冚被，超可愛。你唔駛灰心，我以前有隻貓開頭好唔鍾意我個妹抱，同你一樣俾隻貓撐開，後尾一樣好friend。你慢慢氹吓佢，整整吓就得。你先先拍吓手，摸吓佢個頭仔，對住佢笑，俾隻手佢聞吓，好溫柔咁同佢講說話，天氣涼咗勒，用件有你味道既舊衫做張被仔俾佢暖吓……。記住當佢係朋友，佢慢慢會知道你唔係為咗要自己開心而抱佢，而係因為真心錫佢而抱佢，佢一定會俾你抱。D人成日話貓高竇，其實貓好鍾意同人一齊。貓唔似狗咁需要活動空間，無論間屋有幾大，只要佢感受到你既關心，佢一樣會生活得很快樂。

祝人貓相處溫馨愉快！！

貓貓佢唔俾抱. 你咪唔好抱, 感情是要慢慢建立的,
人類年份計算約２０個月大, 咪即係兩三個月大的貓bb,
千萬不可迫佢俾你抱, 同佢玩多d, 親手餵佢食野,
建立厚厚的感情, 佢就會跟你多d.

貓唔須要經常沖涼, 貓又怕水, 用濕毛巾清潔啦.
千萬不可帶佢到寵物店沖, 在家都攬成咁, 在寵物
店, 你都唔知寵物店d人會怎樣對佢, 之後隻貓咪
更驚更抗拒.

想同佢清潔牙齒, 試吓 QUEENIES (唔知有無串錯)
這個潔齒小吃有雞和魚味, 好多貓貓都鍾意.

1. 貓兒是很有個性的動物,有時真的不喜歡被抱。
2. 大部分的貓都不喜歡水,除非特別污遭,否則貓兒可以很久沖一次涼,此外,可以試乾沖
3. 試試greenie這牌子,寵物店有售,我的貓很喜歡吃

1. 我兩隻大帝都唔係成日比人抱，唔迫得
2. 沖多幾次佢地已經唔反抗喇，你試下捉實佢後頸(貓媽咬起貓bb的位置)
佢地就動彈不得了。
不過都唔需要成日沖涼，
我睇書話可以用爽身粉同佢地乾洗。

你去 www.hkcats.org
好多人可以答你。

第一，佢唔比你抱同佢年齡無關係，有啲貓的確係唔鍾意人抱。
第二，如果你同佢沖涼有問題，可以改用暖的濕毛巾同佢清潔，佢樣佢應該無咁抗拒。不過我就唔鼓勵你帶去比寵物店沖，因為有些不良寵物店用的方法就是以暴逆暴。
第三，刷牙的確很難，如果佢都食潔牙零食，你可以試吓賣多幾隻不同口味比佢。