點解我隻狗每次出街????

我諗都係因為佢興奮有得出街, 所以就會拉住你係咁走, 係咁衝. 我隻金毛仔之前都係咁..不過如果佢成日都係度拉扯既話, 最好既方法係,佢一拉, 你就唔好行, 要佢sit ,或者行番去你度. 每一次都係咁做,如果仲係唔聽既話, 就帶佢返屋企. 做多幾次, 佢就知道架啦,同埋你一停個下, 就話佢bad boy/ girl, 但係佢一停左, 或者坐係度, 就要讚佢good dog, 咁佢就知道要咁樣行, 先得既.

又或者係你出門口前, 要佢sit 左先, 之後stay 一陣先, 咁做得多, 佢就會知道, 要聽你話, 先有得出街街架.

又或者你可以試下用一隻狗繩, 好似普通既狗繩咁既, 但係就會有一個細細既三角型, 係choke chain黎既, 用個的既話, 你拉一拉佢, 佢就已經知知道, 所以就會比較容易控制佢行得到好的架. 但係就千祈唔好買成條都係choke chain個的(即係鐵鏈) , 如果唔係, 好容易會整到佢架.

希望幫到你啦..不過我諗你需要長的既時間, 因為你隻狗都已經4歲啦, 所以佢地就已經慣左咁樣架啦.. 俾的耐性佢啦. :)

大叫大跳,好嘈,,落到樓下.拖著條狗繩拉你衝出去～咁姐係話你係佢心目中係佢大過你～
所以你要建立番做主人既地位～

我屋企隻北京細細個都係咁果時我唔係日日帶佢落街而家都係～佢一落街就會好興奮拉住我行～～初初我都係咁比佢拉住行～但因為佢呼吸道唔好唔可以行得太急～之後我就拉停番佢～開頭佢唔會比我拉住但我死都唔郁佢都冇我乎企埋係到～到而家五歲啦～佢唔會再好似細細個咁拉我行～好定咁～

你可以好似我咁做～佢一拉你你唔理點都好～你都要企係到直到佢冷靜番～佢冷靜完你先好再行～一行佢又興奮既話就要拉停番佢～比佢知道係你帶佢行唔係佢帶你行～因為你先係佢主人～你亦都可以試下用一種狗帶係套埋個口既防止佢搶繩既～類似以下E種咁～
http://i97.photobucket.com/albums/l237/ar_chiu/resserver.jpg
你可以去獸醫到問下有冇得訂～因為我朋友係獸醫到買既150蚊～
當佢隻狗一唔套住個口就會好興奮但套住之後係好明顯睇到佢會定好多～

我都有隻史立紗，大約一歲，情況跟你一樣，我隻史立紗是被人遺棄的,唔知以前佢主人點教，我隻狗比你隻狗多一個問題，佢一見狗就吠，我是住村屋的，附近有好多流浪狗，通常流浪狗見到其他狗都唔理彩，如果你唔撩佢哋，但我隻狗好衰，一見其他狗就亂吠及撲過去，有幾次班流浪狗發火，撲過來想咬我隻狗，好彩我帶了一枝棍打走佢哋。每次去街，佢就重覆以上情況，所以現在我每次帶佢去街，都要揸車到無狗地方才放狗，因每天要上班，放工後無時間揸車到無狗地方放狗，所以通常都係一星期帶佢出兩次街，我都想問有無人可以教吓我點教我隻狗!

因為佢太少去街喇, 所以咪咁興奮囉! 下次佢拖你行的話, 你就停低, 待佢坐係你身邊你再行, 如是者試多幾次, 佢就會冇咁衝o架喇, 因為佢搶繩好危險o架, 萬一你隻手鬆左或者條繩用左佢衝出馬路就大件事喇. 所以一定要訓練佢o架!
記住, 一要有耐性同恒心先教到o架!

會唔會係佢平日少出街, 所以一有機會去街就興奮得衝出去咯, 我的狗狗都係咁架, 多d同佢出去行下跑下, 慢慢佢就唔會咁癲架喇, 放心吧!

你是否很少拖佢散步或出街??我原來住一啲唔可以養狗的地方，所以唔係咁方便帶狗狗出街．所以的當我每次帶狗狗出街（約一至兩個星期一次）佢都好開心．不過正常應一日兩次．如果換轉係你一個星期只去一次街，你一出街都特別開心．所以如果你可以帶狗狗出多啲街，比啲時間佢習慣，佢一定會定好多．比啲時間佢　＾＿＾

其實如果佢大叫大跳令你FEEL到好嘈,,
你可以罵罵佢,,
可能佢會乖D嫁~