往哈爾濱旅遊要帶甚麼禦寒裝備

你是否跟團? 我想你應該唔止只去哈爾濱, 還會長春, 瀋陽?

如你跟團的話, 衫褲鞋襪都唔使咁緊張, 因落機後導遊會帶你去買, 果度咩都有齊, 除衫褲鞋襪外, 仲有耳套, 手襪, 冷帽........應有盡有, 而且仲好平好平, 如你先到瀋陽, 呢d野最平, 其次係長春, 哈爾濱最貴, 但儘管如此, 果度都係好平, 幾十元至百幾元己有一對裏面有厚毛毛的鞋, 雖然平, 但好鬼保暖! 好過係香港買(HK最平都要五六百元), 然後穿對厚襪就得, 如你怕凍, 想對腳再暖d, 我教你個方法, 你可先穿一對襪, 再穿對冷襪或厚襪, 咁就超級保暖了.

衫方面果度都有, 亦都好平, 雖然款式老土d, 但勝在够實用, 除此之外, 我有個好介紹, 就係哈爾濱的女仔其實好貪靚, 穿的衫又薄, 裙又短, 但全靠外面件貂皮大衣, 件大衣又名貴又靚又超級暖, 但就好貴, 最平都要二千幾元, 但就算你想買, 都要等有時間自已行百貨公司時買, 旅行團係唔會帶你買的, 但你可問導遊哪裡有得買.

褲方面, 外面可穿條雪褲或防風防水的厚褲, 但里面一定要穿條虧佬褲(國貨公司有得買), 咁先暖的!

除衫褲鞋襪, 手套, 耳套, 頸巾外, 你最好係香港買多一樣野, 就係好似飛虎隊果d冷頭套, 因果度d天氣真係好凍, d風迎面吹埋來, 真係好似俾刀割咁, 個鼻因無遮無擋, 好容易凍壞, 口罩係唔够的, 都係冷頭套穩陣d.

而手套方面, 就要一厚一薄, 薄的穿在里面, 外面再穿對厚的, 照相時, 把外面對厚手套除低, 影完後立刻套回, 但你自己只需帶對薄手套就得啦, 去到先買對厚架啦, 我上次係果度買果對, 外面係game皮, 里面係長毛毛, 好warm!

仲有, 果度因結冰關係, 地下好跣, 不過你可去到果度買d套在鞋就唔怕跣的野(唔好意思, 我唔知果d野叫咩名), 十元左右就有一對(不過唔知依家有無加價).

最後梗係唔少得暖包啦, 雖然去到果邊呢d野都起唔到大作用, 但起碼好過無, 始終準備充足d好d.

再補充少少, 唔知你去果陣時個"冰雪大世界"開左未, 如有的話你要帶多d菲林, 因好靚, 但亦辛苦, 因果度係室外地方, 你要係零下二十幾度暴凍兩個幾三個鐘, 都咪話唔野少, 但就好值得, 千其唔好因怕凍就邊度都唔去唔影, 話晒果度可能只係你一生人只去一次的地方, 所謂'蘇州過後無艇搭", 好好享受你的旅程吧!

Very good explanation!

帶多d暖包(各款)
for鞋-- 保暖5-6小時.再穿厚襪,就ok,
下半身一定要夠暖.
記得放一兩个曖包在相機旁,不要涷親它.
帶口罩(防止吸入冷空氣)
手套可帶一厚一簿,較靈活.
帶日清盒裝錫紙糖水,用電水煲加熱,好正!!!!

2006-11-29 00:45:54 補充：
可在當地買雪鞋,鞋底有雪找(防滑),約40-50.