xp內置燒録問題

基本上你入去'我的電腦'個'光碟機'已經可以看到，你將CD-R/CD-RW放入機，然後將你想要的file 複製再貼上，再按左手邊的'燒錄資料(之類啦，唔記得全名)'就可以，當然你部電腦首先要確定有CD Recorder先啦。
另外，我不建議你用XP原裝的燒碟程式，因為燒錄極不穩定，好多時都會燒壞/死碟，尤其Video同Audio file，推介你用Nero的燒碟程式，方便易用且穩定，希望可以幫到你啦~

(1) 簡單就係响我的電腦視窗內 right-click 燒碟機選內容, 然後在「燒錄」果版內剔說「在這個磁碟機啟用 CD 燒錄」

(2) 如果燒碟機內容無「燒錄」果版就要去控制台搵「系統管理工具」然後開「服務」, 搵搵一個叫「IMAPI CD-Burning COM Service」, 如果檢視模式唔係詳細資料最好去工具列按檢視選詳細資料, 留意呢個服務「啟動類型」係咪係「已停用」, 係就 right-click 佢選「內容」, 响「一般」果塊中間啟動類型按向下箭咀選「手動」, 然後按下面「確定」, 之後要重新啟動電腦做一次上面 (1) 個動作