請問哪裡有平價布料買?

深水埗基隆街同南昌街交界起（包括它前後街的汝洲街及大南街）往太子方向走，都有不少布行。

幾錢碼睇你買的是甚麼布料。

間中有些細鋪都有一箱箱碎布料賣，價錢平，但要慢慢揀。

有心機揀的話，其實鋪頭內有不少布料file（放sample的），慢慢看，在布料旁會有資料寫住剩幾多（因為佢係一疋疋咁剪），有時會有些剩兩、三碼，係會平過d人開新一疋剪十幾碼的。

深水埗個D, 布行好多時, 都要最小3-5碼買, 而且, 未必係即時有,
你可以試下去, 深水埗警署對面, 長沙灣政府合署---->西九龍中心--->深水埗警署--->之後對面馬路就係,
個到, 可以買一碼都得, 有時候個到D布唔OUT架,
有D, 可能係D大公司用剩, 得返十幾碼,所以賣比個到D人,
所以, 你可能搵到D好野, 而且出面係無架, 因為布行係大量做, 咁, 就會成街都係,
而且D布, 好多都係$10-$15起啦, 不過都唔會貴,
因為佢地會想平時, 快D賣晒架
不過呢, 你就要比D耐性去搵啦, 因為, 個到都好亂, 真係要"抄"架

平靚正!!

深水埗基隆街同南昌街交界有d 臨時舖。

深水基隆街及南昌街, 度好多布賣, 但係要買3yds以上(1yd = 39"), 可以去睇~