帶貓搭車準備

基本上係乜車都搭得,唔會暈架

但係, mtr, kcr, bus係唔俾帶貓貓個喎,我唔suggest你搏大帽喇,雖然乘客可能唔會投訴你,但若果你俾人捉到,到時俾職員話你,咁你都唔好意思啦!係咪,仲有佢無啦啦喵一聲,個個都用奇異既眼光望你,好瘀皮架麻

我基本上係搭的士/渡輪,不過搭渡輪,會搖下搖下,佢個頭會跟住郁黎郁去,驚會震親佢!所以自此我都係搭的士啦,唔慳得的!

要prepare一個貓袋,(千祈唔好用膠籃),因為太多梳lone,貓貓見到四面都係lone,佢會驚到不停喵的, 個貓袋頂位要開住,前面一方都要,咁佢唔會睇唔到前面而成日頂住個袋頂望野!

袋裡最好放張佢熟悉同埋有佢氣味既毛巾"箭"住先放佢落去,等佢無咁驚同擔心,基本上出街睇醫生唔駛帶咁多野,可以帶少少乾糧既,不過短程唔需要!

最重要係不停安撫佢,咁就得了!

我通常都帶佢坐小巴 (紅色個隻).

所有公共交通工具都唔俾帶寵物, 特別係九鐵, 好多密探, 搏唔過。如果你隻貓一出親街就鬼殺咁嘈, 更加無辦法, 一定要打的/call貨van。如果佢唔叫, 都可以搭巴士, 用個唔好咁張揚的袋, 同埋坐樓上, 萬一俾司機發覺, 最多咪叫你落車, 但mtr/kcr就一定罰你錢。
出發前兩、三個鐘頭唔好俾嘢佢食/飲, 咁就無咁容易暈浪。

帶定條乾淨的毛巾,因為如果牠太驚, 會失禁, 我就試過!
同埋幫佢帶頸帶, 以防路上走失或驚慌亂竄，以及帶少許牠喜愛的小吃和食水給牠濕咀和穩定情緒。

除咗用貓袋載佢, 仲幫佢帶上拖繩, 準備由個袋出嚟都捉得住佢. 帶d水同糧, 呢排涼咗最好放條毛巾入袋俾佢取曖.

帶定多d tissue, 攞個膠袋.

相信冇問題, 因佢哋怕陌生, 一定乖乖响袋入面休息. 返到屋企已經好倦, 好快瞓覺.

係架...
通常你同隻貓搭巴士同MTR..都唔會有問題既..除非你隻貓係咁嘈或者煩到人地啦...否則多數都無問題既....