請幫幫手,仲讀唔讀書?

初初上到中學時成績是中下的。後來慢慢努力上到差不多精英班的成績。但由於本人性格也是大頭蝦,功課不時冇帶番家或唔記得做,發現後總會極其失落,憎恨自己,恨自己的性格。而且想法有一定程度的消極,常小事化大,大事化更大,令自己不開心,結果因而生第二個,第三個問題出來,不但情緒受困,也影響了學業。頂過了2年,到左而家中三發覺自己情緒問題比以前更多,功課又多,加上本身極度沈迷,象棋,圍棋,看書和唱歌。看書方面也吧了,象棋圍棋就算每日做功課做到11點幾12點都仲要拿出一個鍾捉棋,冇功課時分分鍾捉夠2,3個鍾,結果又係太遲訓又無精神番學。由於太愛唱歌不但上堂時唱,,,,,,做功課溫習時也常帶上mp3或電腦邊聽邊唱。到左今年不但成績大退,且常遲到,對學習上課本來已沒多大的興趣變得更少興趣,功課又常冇帶冇做,有時交左又會唔見的。同班主任講過,傾都冇同我地傾過,只係識叫我去埋d探老人院個d小組活動。
再咁讀落去,結果不難預見。
我應該俾自己興趣讀書讀落去?停讀一年書等自己諗清楚點做?還是唔再讀書夠15歲就出黎做野算?大家覺得點好?我而家思緒好亂,唔知點好,想睇下各位俾少少意見我。感激不盡了。