學電單車,幾多錢?幾耐有牌?

1. 如果係有名既駕駛學院要大約7-8千，視乎你考試前要學幾多堂。不過如果要考第二次就要加二千到再加補鐘錢。如果你之前未有學過任何車，在考之前要有個筆試（好容易的，只係一些交通路牌選擇題。）考完筆考要上強制試。考完強制試，就可以正式掛個學牌出街（到時學院會同你排期考路試），係呢個等考試既時候，多練習路試既道路。直到考試Pass 唔Pass 好視乎天時，地理。
2. 一般由你報名到最後考試大約要八至十個月，視乎你中途上堂就唔就到時間。會唔會因為工作冇時間上堂等。
3. 我自己係駕駛考，雖然貴過其他小型學院好多。不過佢既考試環境同設備真係完善好多。可以係考試場地練習。（因為在考路試前，要考斜路行八字，Pass 至可以出街考路試）一般出面學校只可在考試入斜路的考場，練習時要去第二個場練。所以我有好多朋友也因為如此，肥佬左好多次。計下計下，同我考既錢差唔多。不過佢地浪費左好多時間。
4. 最好問你身邊朋友有冇介紹，因為識人差好遠。
5. 大約$15000-60000都有，唔同地方同唔同牌子既車既價錢差好遠。大約$15000-60000都有例如意大利車性能好過台灣車。Honda車比較多人用，不過多人偷。Yamaha車維修會比較貴，同預訂零件會比較耐。
6. 最平幾千都有，不過最好有識車朋友可以幫你望多眼。因為好多二手車有問題，外表係睇唔到。而且有時小小問題也可危害到人命。所以選二手車要特別小心！而且選左一些有問題的二手車，佢地維修會好貴同好多。計下計下，可能仲可以買多一架二手車。
7. 視乎地點而定，如政府屋一般$200-380，不過成日都會滿。每年年尾都會抽一次纖。除時泊泊下，一年後抽唔到會冇得泊。而私家貴D約$300-1000不等。不過大部份都有位，但很多也只租給住戶，不供街外客。
8. 視乎你重唔重視架車，因為放街，會比較危險。易比人偷同易整花架車，有時會比D無聊人有心破壞。（不過停車場只係機會細D，唔代表唔會。因為有事停車場係唔會負責）9. 新車首次登記費係$1414一年，之後係$1314一年。
10. 保險如你過廿五歲會平D，一般保險的差別很大。因為很多時會出古惑，最好有朋友介紹。大約如細cc車或綿羊會平D，二千以下一年。愈大cc愈貴，或一些高危車也會貴些，如PGM 3。
11. 炒唔炒車同你係咪新仔冇直接關係。只係你渣車時的心態及態度。如你輕視道路危險或高估自己能力，出事機會也很高。我見意你第一年搾150cc車，一來你第一年唔可以有乘客，二來保險平D，三來油會用少D。第一年可給自己一些路面經驗，一到自己可以應付大cc的車才轉也未遲。

2006-11-28 16:43:42 補充：
收到牛肉乾幾多錢要$320二十一日內要交。