點解我煮西米會煮到一pat pat既?

西米洗完要瀝乾，滾水後至落西米，番滾後攪拌一下，見到西米半透明要立即熄火(即只剩一丁點白點)，待煲內熱力將西米完全焗透...
整個過程應唔超過15分鐘，除非你嗰啲係大粒西米囉

其實西米唔需要洗, 只要直接放入滾水去煮.
大約滾3分鐘, 熄火, 約焗5分鐘, 但係唔可以焗到透明.
因為西米煮得太熟o既話會失去口感.

近住就要隔水啦, 隔完水之後用水輕輕沖洗, 直至西米凍透.
之後將西米用凍水去浸約5-6小時 (放入少許冰一齊去浸會更好).
期間要換水 (1-2次水到啦) , 因西米會吸水而發大少少o家, 所以需要時間浸.
你就會有一粒粒而又獨立o既西米.

杰撻撻o既話有可能因為水份少 或煮西米太多.
最重要係第一個步驟(煮西米) 煮得好, 其後o既 步驟就好簡單.
:

依我個人經驗, 有d 西米如果煮之前用水浸過就會好快就爛晒,
正常黎講唔好咁小水, 同唔好將d西米完全熟先關火,要係佢有d透明又未完全熟時關火,焗佢一陣, 咁d 西米就會一粒粒好靚仔

水滾再落西米,份量大該8杯水落1/2杯西米,稍微攪一攪就ok拉(再加糖或椰汁隨意)

煮西米要出左水先~
同埋放得太少水會杰~