✔ 最佳答案
直接答您,貴(過千元)唔化算,平(幾十元)又無用。
理由好簡單 :
1. 色差線訊号行模擬,市場開始掏汰,DVI-D及HDMI行数碼必取而代之;買條貴用唔得幾耐就用唔着;
2. 買條幾拾元嘅,用在您部SONY S-Series 32寸LCD,同條鷄線比,可能耍碌大對眼睇好耐,先揾到D咁多多分別,不如慳番啦。
我同我D朋友(HIFI發癲友)都有D貴價色差線放喺櫃桶無用,比都冇人要,二手鋪都壓價唔肯收,話過時唔興,费事責死現金難去貨喎。
我建議您買條二三佰元嘅用,又或者買散線自己焊嚟玩吓,將來升級用HDMI時都唔使嗌肉炙啦。
2006-11-30 02:16:01 補充:
Stanley, 本来很落意介紹二三佰元嘅線俾您,但礙於知識欄不容廣告,所以不方便說吧。不過,我可以建議您到鴨寮街揾,大把您揀,價錢一定比外邊平宜;呢個價位,一般冇嘜水位減,但仍有三二十元上落,一試何妨。色差線係月下货,你想買佢一定肯減D。货源最好揀日本或美國做,如果冇寫明,卽係大陸货,唔好買。如果好運,您或者可以揾到6N或銀線加網添;買1.5米長最穩陣。記住咪喺街邊買,要入舖頭,要多睇幾間隔價,提醒您,鴨記有二間舖冇嘜人行嘅,價錢貴過人三四成都夠胆死,但又唔見佢執,因世界上有大把老襯呀!